Yajnimaytyaktsoonyë myëdaxtujk pëkypyë

Yëˈë yajmaytyäˈägäämp wiˈix näägë ënäˈkuˈunk, kugajpxyëty etsë reyëty, dyaˈijxëdë ko myëdäjttë mëkë mëbëjkën mä Jyobaa. Extëm jam Siria, ojts tuˈugë kixyuˈunk diˈib israelitë tmëbëky ko ja Jyobaa kyugajpxy mbäät dyaˈˈagëdaˈaky ja Naamán. Ja kugajpxy Eliseo myëbëjk amumduˈukjotë Jyobaa ko mbäät kyuwäˈänyëty mä ja may syoldäädë diˈib ëxtääyëp. Jehoiadá, ja saserdotë wintsën, pyëjtakë jyukyˈäjtën okën jëjpˈam ko dyuˈtsy ja Jehoás parë kyaj ja nyanwelë Atalía yaˈoogëdët. Ja rey Ezequías myëbëjk ko Jyobaa kyuwäˈänaambyë Jerusalén käjpn ets kyaj yˈatsëˈkë ja soldäädëtëjk diˈib Asiria. Ets ja rey Josías, yajkutëgooytyaay ja awinax mä tukëˈëyë it lugäär, yaˈˈaˈoˈoyë ja templë ets pyudëjkë ja nax käjpn parë jatëgok tˈawdattëdë Jyobaa.