BIBLIOTEKË MÄ INTERNET Watchtower
Watchtower
BIBLIOTEKË MÄ INTERNET
ayuk
Ä
  • Ä
  • ä
  • Ë
  • ë
  • Ʉ
  • ʉ
  • BIIBLYË
  • ËXPËJKPAJN
  • REUNYONK
  • lff ëxpëjkën 20
  • Wiˈixë Jyobaa tnëˈëmoˈoy ttuˈumoˈoyë kyäjpn

Kyaj ti bideo.

Kyaj mbäät yaˈixyë bideo.

  • Wiˈixë Jyobaa tnëˈëmoˈoy ttuˈumoˈoyë kyäjpn
  • ¡Jukyˈat agujk jotkujk winë xëëw winë tiempë! Nijawë tijatyë Biiblyë tukniˈˈijxëp
  • Subtítulo
  • Diˈib naa duˈumbë myaytyakypy
  • AK NIJAWË NIˈIGYË
  • TI TË NJÄJTËM
  • AK PAYEˈEY
  • ¿Wiʼixë mëjjäʼäytyëjk tpudëkë naymyujkën?
    ¿Pënaty tyam tyuundëp ti Jyobaa tsyejpy?
  • “Wintsëˈëgëdë pënaty tuundëp mëk mä miitsëty”
    Diˈib Xytyukˈawäˈänëm Yëˈë nyigajpxypyë Jyobaa yˈAnaˈamën 2011
  • Kuentˈattë jäˈäy diˈibë Dios të mdukëdëkëdë
    Diˈib Xytyukˈawäˈänëm Yëˈë nyigajpxypyë Jyobaa yˈAnaˈamën 2011
  • Mëjjäˈäytyëjkëty, panëjkxˈadëˈëtstë ja yˈijxpajtënë apostëlë Pablo
    Diˈib Xytyukˈawäˈänëm Yëˈë nyigajpxypyë Jyobaa yˈAnaˈamën (diˈib yaˈëxpëjkp) 2022
Akˈixë wiinkpë
¡Jukyˈat agujk jotkujk winë xëëw winë tiempë! Nijawë tijatyë Biiblyë tukniˈˈijxëp
lff ëxpëjkën 20
Leksion 20. Mä yˈëxpëktë Jyobaa tyestiigëty tam niganääk tkonëˈëktë kyëˈë parë tˈatsoowëmbitäˈändë mëdiˈibë ja nmëguˈukˈäjtëm të dyajtëy.

LEKSION 20

Wiˈixë Jyobaa tnëˈëmoˈoy ttuˈumoˈoyë kyäjpn

Mëdë notë
Mëdë notë
Mëdë notë

Jyobaa ak tukniwits ak tuknimäˈkxë tijaty tmëdaty (1 Korintʉ 14:33). Pääty njënäˈänëm ko nanduˈun ttsoky ets yˈitëdë kyäjpn. ¿Wiˈixë kyäjpn yˈity tukniwits tuknimäˈkxë? ¿Ets ti mbäät nduˈunëm parë duˈun nyëˈëyeˈey tyuˈuyeˈeyët?

1. ¿Pën nyigëbäjkˈäjtypyë Diosë kyäjpn?

“Kristë myëdäjtypy ja kutujkën mä yëˈë mëbëjkpëtëjk” (Éfesʉ 5:23). Desde tsäjpotmë Jesus tˈixy wiˈix nyëˈëyeˈey tyuˈuyeˈeyë Diosë tyuunk abëtsëmy nyaxwinyëdë. Ets yëˈë të ttuknipëky tuk grupë mëjjäˈäytyëjk, mëdiˈibë yajtijtëp ja tuumbë mëdiˈibë kuwijy o pënaty Wyoowˈyoˈoytyëbë Jyobaa tyestiigëty (käjpxë Matewʉ 24:45-47). Yäˈädë nmëguˈukˈäjtëm yëˈë tyam nyëˈëmooy tyuˈumooytyëbë Diosë kyäjpn abëtsëmy nyaxwinyëdë, duˈun extëm ttuundë ja mëjjäˈäytyëjk ets ja apostëlëtëjk mä primer siiglë (Apostʉlʉty o Hechos 15:2). Per kyaj yëˈë tniwintsënˈattë, yëˈë myëmëdoowdëbë Jesus mëdiˈibë nigëbäjkˈäjtëdëp. Yˈëxtääytyëp nanduˈun ja Diosë nyaybyudëkë ets yëˈë pyanëjkxtëp wiˈix ja Biiblyë nyëˈëmoˈoy tyuˈumoˈoyëdë.

2. ¿Pënatyën yajtijtëp mëjjäˈäytyëjk ets ti tyuundëp?

Pënaty tuundëp mëjjäˈäy, myëmëdoowdëbë Jyobaa ets yëˈë yajtuundëbë Biiblyë parë yaˈëxpëktë mä Diosë kyäjpn, pyudëjkëdëp nanduˈun ja myëguˈuktëjk ets myëjääwmooytyëp. Kyaj yajmëjuytyë niˈigyë ‘xondaˈakyˈääw xondaˈakyjyot tyundë, extëmë Dios ttsoky, ets kyaj mët ko të yajtukˈanaˈamdë o myeenyˈookˈattë’ (1 Peedrʉ 5:1, 2). Ta nanduˈun pënaty pyudëjkëdëbë mëjjäˈäytyëjk, mëdiˈibë ok mbäät tyundë mëjjäˈäy.

Pënaty Wyoowˈyoˈoytyëbë Jyobaa tyestiigëty, yëˈë wyinˈijxtëp näägë mëjjäˈäytyëjk parë tyundët sirkuitë. Pënaty duˈun tuundëp, yëˈë kyuˈijxëdëp mäjaty tyuˈukmuktë Jyobaa tyestiigëty parë tmëjääwmoˈoytyë ets tpudëkëdë. Yëˈë nanduˈun yˈijxtëp pën ja nmëguˈukˈäjtëm mëdiˈibë yajtuunkmoˈoyäämp mëjjäˈäy o pyudëjkëbë mëjjäˈäy, jukyˈäjtp extëmë Biiblyë tniˈanaˈamë (1 Timotee 3:1-10, 12; Titʉ 1:5-9).

3. ¿Ti nyikëjxmˈäjtypy ttunët tuˈuk tuˈugë Testiigë?

Niˈamukë Testiigë yajmëjpëtsëëmdëbë “Jyobaa xyëëw”. Duˈun ko nyëjkxtë reunyonk ets ko nyëjkxtë ëwäˈkx käjpxwäˈkxpë (käjpxë Salmo 148:12, 13).

AK NIJAWË NIˈIGYË

Min nˈokˈijxëm wiˈixë Jesus tnigëbäjkˈaty ja Diosë kyäjpn, wiˈix ja mëjjäˈäytyëjk pyanëjkxëdë yˈijxpajtën ets wiˈix ëtsäjtëm mbäät nmëmëdoˈowëmë Jesus ets nduunmujkëm mët ja mëjjäˈäytyëjk.

4. Jesus yëˈë tuˈugë wintsën mëdiˈibë jantsy oyjyaˈay

Jesus xywyoˈow xywyijtsëm parë yëˈë nwintsënˈäjtëm. Käjpxtë Matewʉ 11:28-30 ets nimaytyäˈäktë mëdiˈibë yä yajtëëpy:

  • ¿Wiˈixë Jesus tniwintsënˈatyë Diosë kyäjpn? ¿Ets wiˈix xyajnayjyäˈäwëm?

¿Wiˈixë mëjjäˈäytyëjk tpanëjkxëdë Jesusë yˈijxpajtën? Ixtë BIDEO.

BIDEO: Wiˈixë mëjjäˈäytyëjk tpudëjkëdë ja myëguˈuktëjk ko nyajxy ja mëk ujx jap Nepal (4:56)

Biiblyë nyimaytyakypy wiˈixë mëjjäˈäytyëjk mbäät ttundë mëdiˈibë të yajtuknipëktë.

Käjpxë Isaías 32:2 etsë 1 Peedrʉ 5:1-3, ets nimaytyäˈäktë mëdiˈibë yä yajtëëpy:

  • Jesus jantsy oyë jäˈäy dyajnayjyäˈäwë. ¿Wiˈix mijts mnayjyawëty ko nanduˈunë mëjjäˈäytyëjk jyaˈayˈattë?

  • ¿Wixatyë mëjjäˈäytyëjk dyaˈixëdë ko nanduˈun jyaˈayˈattë extëmë Jesus?

5. Mëjjäˈäytyëjk duˈun jyukyˈattë extëm yaˈëxpëktë

¿Wiˈixë Jesus ttsoky etsë mëjjäˈäytyëjk tˈixtët ja tuunk mëdiˈibë të yajtuknipëktë? Ixtë BIDEO.

BIDEO: Mëjjäˈäytyëjk, ¡yajnëjkxtë ja jëjpˈamˈäjtën! (7:39)

Jesus yajxon ojts tnigajpxy wiˈix mbäät jyaˈayˈattë pënaty xynyëˈëmoˈoy xytyuˈumoˈoyëm mä nduˈukmujkëm. Käjpxtë Matewʉ 23:8-12 ets nimaytyäˈäktë mëdiˈibë yä yajtëëpy:

  • Extëm jyënaˈanyë yäˈädë tekstë, ¿wiˈix mbäät jyaˈayˈattë mëjjäˈäytyëjk? ¿Waˈandaa teetytyëjk ets pënaty nyiwintsënˈäjttëbë relijyonk duˈun tkuytyundë?

A. Dibujë mä yaˈixy wiˈix tuˈugë mëjjäˈäy yˈëxpëky naytyuˈuk ets mët ja fyamilyë: 1. Nyuˈkxtaˈaky mä tkaˈëxpëkynyëmë Biiblyë. 2. Dyaˈëxpëktë nyëëxuˈunk. B. Yäˈädë mëjjäˈäy mëdë kyudëjk tkuˈixëdë tuˈugë nmëguˈukˈäjtëm mëdiˈibë pëjkëp. C. Yäˈädë mëjjäˈäy tmëtmaytyaˈaky tuˈugë yetyëjk. D. Dibujë: 1. Yäˈädë mëjjäˈäy tam dyiskursaraty. 2. Tam dyajwäˈätsy ja salonk.
  1. Mëjjäˈäytyëjk myëwingoondëbë Jyobaa ets pyudëjkëdëp ja fyamilyë parë nanduˈun ttundët.

  2. Mëjjäˈäytyëjk myëmääy myëdäjtëp niˈamukë myëguˈuktëjk mëdiˈibë mëët tyuˈukmuktë.

  3. Mëjjäˈäytyëjk xëmë yˈëwäˈkx kyäjpxwäˈkxtë.

  4. Mëjjäˈäytyëjk yaˈëxpëjktëp, ets tyuundëp nanduˈun oytyim mëdiˈibë tuungëty extëm mä wyaˈatsyë jëën tëjk.

6. Mbäät nbudëjkëm ja mëjjäˈäytyëjk

Biiblyë nyigajpxypy tiko jyëjpˈamëty nbudëjkëm pënaty tuundëp mëjjäˈäy. Käjpxtë Ebreeʉsʉty 13:17 ets nimaytyäˈäktë mëdiˈibë yä yajtëëpy:

  • ¿Tiko Biiblyë xyˈanmäˈäyëm ets nˈëygyupëjk ngajpxykyupëjkëm pënaty xynyëˈëmoˈoy xytyuˈumoˈoyëm? Wiˈix mˈokwinmay, ¿tidaa ko yˈoyëty ets duˈun nduˈunëm?

Käjpxtë Lukʉs 16:10 ets nimaytyäˈäktë mëdiˈibë yä yajtëëpy:

  • ¿Tiko yˈoyëty nˈëygyupëjk ngajpxykyupëjkëmë mëjjäˈäytyëjk axtë pën nˈijxëm ko kyaj tyimmëjwiin tyimkajaajëty?

NÄÄGË JÄˈÄY JYËNÄˈÄNDË: “Kyaj tyimjëjpˈamëty ets ndukˈijtëm tuˈugë relijyonk”.

  • Per mijts wiˈix mˈokjënäˈäny, ¿tidaa ko yˈoyëty ndukˈijtëm tuˈugë relijyonk parë nDiosˈawdäjtëm?

TI TË NJÄJTËM

Jesus yëˈë nyigëbäjkˈäjtypyë Diosë kyäjpn ets yëˈë të ttuunkmoˈoy ja mëjjäˈäytyëjk. Ets yëˈë net ëtsäjtëm nˈëygyupëjk ngajpxykyupëjkëm mët ko xykyuentëˈäjtëm ets xytyukniˈˈijxëm mëdë yˈijxpajtën.

Ajamyatsë

  • ¿Pën nyigëbäjkˈäjtypyë Diosë kyäjpn?

  • ¿Wiˈixë mëjjäˈäytyëjk tpudëkëdë ja Diosë kyäjpn?

  • ¿Ti mëdiˈibë nyikëjxmˈäjtypy tuˈuk tuˈugë Testiigë?

Tunë yäˈädë

AK PAYEˈEY

Ix wiˈixë nmëguˈukˈäjtëm mëdiˈibë Wyoowˈyoˈoytyëbë Jyobaa tyestiigëty ets pënaty tuundëp mëjjäˈäy tmëmay tmëdäjttë myëguˈuktëjk.

Myëjjääwmooytyëbë myëguˈuktëjk ko yajnibëdëˈëktë (4:22)

Nijawë tijaty tyuundëbë sirkuitë.

Wiˈix tyuny tuˈugë sirkuitë mëdë kyudëjk mä it lugäärë nidëkëbë (4:51)

Nijawë ti nyikëjxmˈäjtypyë toxytyëjk mä Diosë kyäjpn.

“¿Nyikëjxmˈäjttëbë toxytyëjkjäˈäyë tuunk mä ryelijyongë Jyobaa tyestiigëty?” (Myiny mä Diˈib Xytyukˈawäˈänëm)

Nijawë wiˈixë mëjjäˈäytyëjk mëk jyantsy tyundë parë tmëjääwmoˈoytyë myëguˈuktëjk.

“Mëjjäˈäytyëjk diˈib mä naymyujkën xypyudëjkëm parë nˈijtëm jotkujk” (Diˈib Xytyukˈawäˈänëm, 1 äämbë eneerë 2013)

    Ayuk ëxpëjkpajn (2004-2025)
    Yaˈˈadukë mguentë
    Tëkë mä mguentë
    • ayuk
    • Mbäädë wiinkpë xytyuknigexy
    • Configuración
    • Copyright © 2025 Watch Tower Bible and Tract Society of Pennsylvania
    • Wiˈix mbäät jeˈeyë tyuny
    • Wiˈix yajkuwäˈäny
    • Ix pën mgupëjkypy
    • JW.ORG
    • Tëkë mä mguentë
    Mbäädë wiinkpë xytyuknigexy