DIˈIB MIIMP MÄ NYIˈAK: ¿MBÄÄT NDUKJOTKUJKˈÄJTËMË RELIJYONK?
¿Tiko jyëjpˈamëty xyˈixët wiˈix ja relijyonk diˈib mdukˈijtëp?
Nˈokpëjtakëm ko yëˈë tuˈugë mëk päˈäm mmëdäjtypy ets tsojkëp myajtsukët. Seguurë ko yëˈë tuˈugë doktoor mˈëxtäˈäyëp diˈib mdukjotkujkˈatëp, pes mbäät mtsoˈoky o mˈooky. Nan oyxyëp ko xypyayoˈoy nuˈunën tijaty tnijawë ets pën të duˈumbë jäˈäy tˈoktsujkpë.
Nanduˈunën jyaty mëdë relijyonk, tsojkëp yajxon nˈijxëm. Pën mdukˈijtëp tuˈugë relijyonk, mbäät myajnitsoˈogyëty o myajkutëgoyëty.
Jesus pyëjtak tuˈugë ijxpajtën diˈib mbäät xypyudëjkëm parë nˈijxëm pën tëyˈäjtën ja relijyonk diˈib ndukˈijtëm, yëˈë jyënany: “Tuˈuk tuˈugë kepy yaˈëxkäjp mët ja tyëëmp” (Lukʉs 6:44). Okwinmay tuˈugë relijyonk ets nayajtëwëdë wiˈixë “tyëëmp” dyaky. ¿Yëˈëdaa niˈigyë tsyojktëbë meeny sentääbë ja diˈib nyiwintsënˈäjttëbë relijyonk? ¿Pyanëjkxtëbëdaa Biiblyë kyäjpxwijën extëm tjëjpkudijëdë tsip etsë ijt tsënaaky diˈib axëëk? Ko nety duˈun të mnayajtëyëty, ¿mwinmaabyë net ko waˈandaa jyaˈˈaty tuˈugë relijyonk diˈib mbäät ndukjotkujkˈäjtëm? Min nˈokˈijxëm.
[Dibujë diˈib mä pajina 3]
[Mä tmaytyaˈaky diˈib jëjpˈam pajina 3]
“Tuˈuk tuˈugë kepy yaˈëxkäjp mët ja tyëëmp.” (Lukʉs 6:44)