¿Jadaa tuˈugë relijyonk diˈib mbäät ndukjotkujkˈäjtëm?

Pën axëëk të myajnayjawëty tuˈugë relijyonk, mbäät nituˈuk xykyanekytyukjotkujkˈaty. Per mbäät mˈity seguurë ko ta tuˈugë relijyonk diˈib mbäät xytyukjotkujkˈaty. Ko Jesus jyukyˈajty yä Naxwiiny, ta twinˈixy tuk grupë yˈëxpëjkpëty ets ttukniˈˈijxë parë jyukyˈattët extëmë Diosë yˈanaˈamën jyënaˈany. Tyam, ta jäˈäy diˈib jyantsy pyanëjkxtëbë Kristë, diˈib tyuundëbë mëjää parë jyukyˈattë extëmë Diosë yˈanaˈamën jyënaˈany. ¿Pën yëˈëjëty?

Estelle, diˈib të yˈokˈyajmaytyakpë, jyënaˈany: “Jaanëmëts njaygyujkë Biiblyë kojëts nˈëxpëjky mëdë Jyobaa tyestiigëty. ¡Tëyˈäjtën extëm jyënaˈanyë Fwank 8:32: Mˈixyˈattëp ja tëyˈäjtën, es yëˈë tëyˈäjtën yëˈë myajwëˈëmëdëp awäˈätstuuy!”.

Ray, nanduˈun jyënaˈany: “Jyobaa tyestiigëty yëˈëts diˈib të xytyukniˈˈixëdë mëdë Biiblyë ko Dios kyaj yëˈë dyajjaˈˈatyë ayoˈon. Ets ko tam tiko tnasˈixë axëkˈäjtën, per wyandakypy ko tim tsojk dyajjëjptëgoyaˈany”.

Tsiptakp nduˈunëm diˈib oy mä mayë jäˈäy kyaj duˈun ttundë. Per mbäät duˈun nduˈunëm. Mayë jäˈäy yajtëgoyˈäjttëbë naybyudëkë parë Biiblyë tjaygyukëdët ets tkuytyundët wiˈix jyënaˈany. Pääty abëtsemy nyaxwinyëdë sëmään sëmäänë Jyobaa tyestiigëty dyaˈëxpëktë miyonkˈamë jäˈäy namayˈäjtën mä jyëën tyëjk. May tyamë jäˈäy tnijawëdë ti tëyˈäjtën jantsy tukniˈˈijxëbë Biiblyë, tmëwingondë Dios ets jyukyˈattë agujk jotkujk.a

Ko jatëgok mmaytyäˈäktët mëdë Jyobaa tyestiigëty, ¿tiko xykyaˈˈanëëmë parë mdukmëtmaytyäˈägëdët tiko ttukjotkujkˈattë ryelijyonk? Payoˈoy wiˈix tyukniˈˈixëdë ets wiˈix jyaˈayˈattë ets winmayë net pën jaˈäjtp tuˈugë relijyonk diˈib mbäät ndukjotkujkˈäjtëm.

[Notë]

[Dibujë diˈib mä pajina 7]

[Mä tmaytyaˈaky diˈib jëjpˈam pajina 7]

¿Tiko xykyaˈˈanëëmë Jyobaa tyestiigëty parë mdukmëtmaytyäˈägëdët tiko ttukjotkujkˈattë ryelijyonk?