YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Tiko jatëgok jyëmbitäˈänyë Kristë?

Mä jëmëjt 33, mä netyë Jesukristë kyapatëkënëm tsäjpotm, ta twandaky ko jyëmbitäˈäny jatëgok. Jyënany ko yëˈë duˈun extëm ja mëkjäˈäy diˈib ojts nyijkxy jagam it jagam lugäär ets ko jeky ja tiempë nyajxy, ta jatëgok jyëmbijty parë tyunäˈäny rey. Pääty ko Jesukristë jyëmbity, yëˈë parë tˈawanë naxwinyëdë jäˈäy tuˈugë oybyë gobiernë. (Käjpxë Lukʉs 19:11, 12.)

¿Wiˈixtsoo jyëmbitäˈänyë Kristë? Yëˈë jukypyëjk extëmë anklës (1 Pedro 3:18, Traducción del Nuevo Mundo). Ta pyatëjkë tsäjpotm ets nyaxweˈtsy mä Jyobaa yˈaˈoytsyoo (Salmo 110:1). Ko tiempë tpaty, ta Jyobaa, ja “Mëjjäˈäy diˈib kanäk Xëë”, myooyë kutujkën parë tˈanaˈamëdë naxwinyëdë jäˈäy. Päätyë Jesus jyëmbity extëmë Rey diˈib kyaj nˈijxëm. (Käjpxë Daniel 7:13, 14.)

¿Ti tyunaambyë Jesus ko jyëmbitët?

Jesus yëˈë mëët jyëmbitäˈänyë yˈanklëstëjk diˈib kyaj yaˈixy parë tpayoˈoyaˈanyë naxwinyëdë jäˈäy. Yajkutëgoyaambyë axëkjäˈäytyëjk, per myoˈoyaambyë jukyˈäjtën winë xëë winë tiempë pënaty yˈëxkäjptëp ko yëˈë myëdäjtypyë kutujkën. (Käjpxë Matewʉ 25:31-33, 46.)

Nanduˈun dyajjëmbitäˈänyë Naxwinyëdë jantsy tsuj ets dyajjukypyëkäˈänyë oˈkpë parë jyukyˈattët agujk jotkujk. (Käjpxë Salmo 37:29 etsë Fwank 11:25.)

Pën mˈaknijawëyaampy, ixë pajina 73 axtë 85 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

Mbäät xyajpëtsëmy mä www.jw.org/mco

[Dibujë diˈib mä pajina 32]

Jesus myoˈoyaambyë naxwinyëdë jäˈäy tuˈugë oybyë gobiernë

[Dibujë diˈib mä pajina 32]