YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Ti Jesus tyunaampy mä tiempë myiny kyëdaˈaky?

Mä jëmëjt 33 ja Jesus yˈoˈky, jyukypyejky ets pyatëjkë tsäjpotm. Ko nyajxy kanäk siiglë, ta yajnikäjpxpejty ets tyunët rey (Daniel 7:13, 14). Mä tiempë myiny kyëdaˈaky, dyajminäˈänyë jotkujkˈäjtënë yä Naxwiiny ets kyaj nyekyjaˈˈatäˈänyë ayoobë jäˈäy. (Käjpxë Salmo 72:7, 8, 13.)

Jesus mëjwiin kajaa tijaty ttunäˈäny ko yˈanaˈamët yä Naxwiiny. Yëˈë yajtunaampy ja mëkˈäjtënë diˈibë Tyeety të myoˈoyëty parë naxwinyëdë jäˈäy jyëmbitët wäˈätsjäˈäy. Niˈamukë ttukxondäˈägäˈändë jukyˈäjtënë yä Naxwiiny, kyaj nyekymyëjjäˈäyëyäˈändë ets kyaj nyekyˈoogäˈändë. (Käjpxë Fwank 5:26-29 etsë 1 Korintʉ 15:25, 26.)

¿Ti tyamë Jesus tyuumpy?

Yëˈë tyam yˈijxypy wiˈix yˈëwäˈkx kyäjpxwäˈkxtë abëtsemy nyaxwinyëdë ja yˈëxpëjkpëty. Yëˈëjëty nyinëjkxtëbë jäˈäy parë ttukniˈˈixëdë wiˈixë Biiblyë tnimaytyaˈagyë Diosë yˈAnaˈam Kyutujkën. Jesus jyënany ko pyudëkëyaambyë yˈëxpëjkpëty axtë koonëmë Diosë yˈAnaˈam Kyutujkën twingudëgatsˈatëdë gobiernëtëjk diˈib yä Naxwiiny. (Käjpxë Matewʉ 24:14 etsë 28:19, 20.)

Mä tyuˈukmuktë Dios mëduumbëty, japë Jesus ttukniˈˈixë jäˈäy parë mas oy jyukyˈattët. Nan tyuˈumoˈoyaampy ko nety kyutëgoyë axëkjäˈäyëty ets ko nety nyajpatëm mä ja it lugäärë tsujpë diˈibë Dios të twandaˈaky. (Käjpxë 2 Peedrʉ 3:7, 13 etsë Diˈibʉ Jatanʉp [Apocalipsis] 7:17.)

Pën mˈaknijawëyaampy, ixë kapitulo 8 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

Nan mbäät xyajpëtsëmy mä www.jw.org/mco

[Dibujë diˈib mä pajina 32]

Ko netyë Jesus yˈaneˈemy dyajjëjptëgoyaˈanyë naytyëytyunë yä Naxwiiny