YAJTËˈËWËN DIˈIB YAˈˈATSOOJËMBIJTP MÄ BIIBLYË
¿Tiko mbäädë Dios nˈamdoˈojëm ets myinëdë yˈAnaˈam Kyutujkën?
¿Mˈaknijawëyaambyë Diosë yˈAnaˈam Kyutujkën ets tijaty xytyukmëdunäˈänëm?
Diosë yˈAnaˈam Kyutujkën, yëˈë tuˈugë gobiernë diˈib yajpatp tsäjpotm. Jesus tyukniˈˈijxë ja yˈëxpëjkpëty parë tˈamdowdët ets myinët ja Diosë yˈAnaˈam Kyutujkën yä Naxwiiny, pes yëˈë diˈib yajminaambyë jotkujkˈäjtën ets tyunaambyë tëyˈäjtën. Nituˈugë gobiernë diˈib yä Naxwiiny mbäät tkatunyë tëyˈäjtën, tkayajjëjptëgoyë päˈäm ets mä jäˈäy nyaytsyiik nyaygyoxëdë, perë Diosë gyobiernë yëˈë diˈib yajjëjptëgoyaampy ets seguurë ko duˈun ttunäˈäny. Dios yëˈë të twinˈixyë Jesukristë parë tyunët rey mä tyäˈädë Anaˈam Kutujkën mët tuk grupë naxwinyëdë jäˈäy parë mëët yˈanaˈamdët. (Käjpxë Lukʉs 11:2 etsë 22:28-30.)
Tim tsojkë tyäˈädë Anaˈam Kutujkën dyajkutëgoyaˈany niˈamukë Diosë myëtsip. Pääty ko nˈamdoˈojëm ets myinët, yëˈë nety nˈamdoˈojëmë Dios parë dyajnitëgatsëdë gobiernëtëjk mët yëˈë yˈanaˈamën. (Käjpxë Daniel 7:13, 14 etsë Diˈibʉ Jatanʉp [Apocalipsis] 11:15, 18.)
¿Tiko Diosë yˈAnaˈam Kyutujkën ttukˈoyˈatäˈändë naxwinyëdë jäˈäy?
Jesus jantsy oy yˈanaˈamäˈäny mët ko tpaˈˈayoyë jäˈäy. Ets kom yëˈë Diosë yˈUˈunk, myëdäjtypyë mëkˈäjtën parë tpudëkët pënaty tyam myënuˈkxtaktëbë Dios. (Käjpxë Salmo 72:8, 12-14.)
Niˈamukë pënaty myëmëdoodëbë Diosë lyey ets yˈamdoodëp amumduˈukjot parë myinëdë yˈAnaˈam Kyutujkën, mëjwiin kajaa yajkunuˈkxäˈändë. Pääty, nnijawë tijatyë Biiblyë tukniˈˈijxëp mä tyäˈädë gobiernë, pes ninäˈä nëjkx xykyamëkjawë. (Käjpxë Lukʉs 18:16, 17 etsë Fwank 4:23.)