YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Wiˈix ndukˈoyˈäjtëm ko yˈoˈkyë Jesus?

Ko Dios ojts dyajkojˈyë naxwinyëdë jäˈäy, yëˈë parë jyukyˈatët winë xëë winë tiempë yä Naxwiiny, kyaj pyëk yˈixëdët ets kyaj yˈooktët. Perë Adán, ja tim jawyiimbë yetyëjk, kyaj tmëmëdooyë Dios ets pääty kyaj nyekyjukyˈajty winë xëë winë tiempë. Ets kom jam ntsoˈonëm mä Adán, ta të xynyinäjxëmë oˈkën (Romanʉs 5:8, 12; 6:23). Jyobaa, Diosë tëyˈäjtënbë, ojts tkexyë yˈUˈunk yä Naxwiiny parë ojts xykyuˈoˈkëm ets ojts tjuuybyëtsëmy tijatyë Adán yajtëgooy. (Käjpxë Fwank 3:16.)

Mbäät tyam nyajpokymyaˈkxëm ets njukyˈäjtëm winë xëë winë tiempë yä Naxwiiny, mët ko Jesus ojts xykyuˈoˈkëm. Biiblyë nyigajpxypy wiˈix njukyˈatäˈänëm ko nety kyaj nyekyjaˈˈatyë yuu päˈäm, mëjjäˈäyˈat etsë oˈk tëgoˈoyën. (Käjpxë Isaías 25:8; 33:24 etsë Diˈibʉ Jatanʉp [Apocalipsis] 21:4, 5.)

¿Wiˈix mbäät njamyajtsëm ko Jesus ojts xykyuˈoˈkëm?

Ja ux mä netyë Jesus yˈooganë jakumbom, ta ojts tˈanëëmë ja yˈëxpëjkpëty wiˈix mbäät adëyë yajjamyetsy ja yˈoˈkën xëë. Ko njamyajtsëm jëmëjt jëmëjt, yëˈë xypyudëjkëm parë nbawinmäˈäyëm wiˈix mëkë Jyobaa xytsyojkëm mëdë Jesus. (Käjpxë Lukʉs 22:19, 20 etsë 1 Fwank 4:9, 10.)

Mä tyäˈädë jëmëjt, ja yajjamyatsäˈänyë Jesusë yˈoˈkën xëë, lunës 14 äämbë abril ko nety ja Xëë të tyëjkënë. Nwoodëp parë mnëjkxët. Jyobaa tyestiigëty yëˈë mbäät mˈanëˈëmxëty mä tyunäˈänyëty ets ti oorë. (Käjpxë Romanʉs 1:11, 12.)

Pën mˈaknijawëyaampy, ixë kapitulo 4 etsë 5 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

Nan tap mä www.jw.org/mco

[Dibujë diˈib mä pajina 32]

Jesus ojts xykyuˈoˈkëm parë mbäät njukyˈäjtëm winë xëë winë tiempë yä Naxwiiny. ¿Wiˈix xypyawinmayë tyäˈädë jukyˈäjtën?