Diosë yˈAyuk juugyëˈë ¡nˈokˈyajtuˈunëm!

“Jaˈa ko yëˈë Dios ja yˈayuk myëdäjtypy ja mëkˈäjtën es jaˈagyëjxm jyaaty ja jikyˈäjtën [“juugyëˈë”, Traducción del Nuevo Mundo TNM].” (EB. 4:12)

¿TI DIˈIB MËBËJKYPY?

¿Ti diˈib mbäät niˈigyë xypyudëjkëm ko jäˈäy nmëtmaytyakëm mä ngäjpxwäˈkxëm?

¿Wiˈix xypyudëjkëmë trataadë parë nyajtuˈunëmë Biiblyë ko tim jawyiin ninëjkxëmë jäˈäy ets ko jatëgok nnijëmbijtëm?

Ko nnayjëjpˈijxëm parë nëjkxäˈänëm käjpxwäˈkxpë, ¿wiˈix mbäät nbanëjkxëmë Pablo yˈijxpajtën?

1, 2. ¿Ti tuungë Jyobaa tyuknipëjkë Moisés, ets wiˈix tˈanmääy?

OKWINMAY ko yëˈë nëjkx xymyëtmaytyäˈägäˈäny tuˈugë anaˈambë diˈib mas mëj ijtp abëtsemy nyaxwinyëdë ets yëˈë mgunëjkxypyë Diosë kyäjpn. ¿Wiˈix mnayjawëdët? Mbäät may mdäjy, mtsëˈëgë o kyaj xynyijawët wiˈix mjënäˈänët. ¿Ti mbäät xytyuny? ¿Mbäät amëk jotmëk xyajnaxyë Dios yˈayuk diˈib tukëˈëyë mëkˈäjtënë myëdäjtypy?

² Moisés diˈib mas tudaˈaky jukyˈäjt, pyatë duˈumbë jotmay (Núm. 12:3). Pes kajxë Jyobaa parë nëjkx tmëtmaytyaˈagyë faraon diˈib kyaj tmëdäjtyë mayˈäjt wintsëˈkën ets diˈib mëj këjxm nnayjäˈäwë. Per oy duˈunë faraon jyaˈayˈajty, Jyobaa tyukˈanaˈamë Moisés parë dyaˈˈawäˈätspëtsëmëdë israelitëty mä nety yajtuumbëˈattë Egipto (Éx. 5:1, 2). Pääty dyajtëëyë Jyobaa: “¿Pënëts ëjtspë etsëts nëjkx nˈëkwinguwäˈägë yëˈë mëjˈyajkutujkpë, etsëts ënet ja Israel jäˈäyëty njuuttëty jap Egipto?”. Moisés nyayjäˈäwë ko kyaj mbäät ttunyë tyäˈädë tuunk. Perë Dios ta yˈanmääyë: “Ëjts mijts njaymyëëtˈataampy” (Éx. 3:9-12, Mʉgoxpʉ ja̱ noky mʉdiˈibʉ jyaayʉn Moisés [MNM]).

3, 4. 1) ¿Ti Moisés tsyëˈkë? 2) ¿Wiˈix nanduˈun mbäät xytyuktëjkëmë tsëˈëgë extëmë Moisés?

³ ¿Ti tsyëˈkë Moisés? Ko faraon tkamëdooˈitëdë Jyobaa kyugäjpxpë. Ets nan tsyëˈkë ko ja israelitëty tkamëbëktët ko yëˈë diˈibë netyë Jyobaa të wyinˈixyëty parë yaˈˈawäˈätspëtsëmëdët Egipto. Päätyë Jyobaa tˈanmääy: “Okpëjtäˈäk ko yëˈëjëty kyaj tmëbëktët ets kyaj tmëdooˈittët ja nˈayukëts, pes ta jyënäˈänäˈändë: Kyaj mëdë Jyobaa të mnaybyaatyëty” (Éx. 3:15-18; 4:1).

⁴ Mbäät mijts ninäˈä xykyawinguwäˈägë tuˈugë anaˈambë diˈib myëdäjtypy këjxmë kutujkën. Per ¿të näˈä mtsiptakxëty xytyukmëtmaytyäˈägët oypyënëty pënën Dios ets ti tyunaambyë yˈAnaˈamën? Extëmë Jyobaa tˈatsoojëmbijtyë Moisés ets tijaty ok tuun jäjtë, mëjwiin kajaa tijaty xytyukniˈˈijxëm.

“¿TI DIˈIB MMËDÄJTYPY MGËˈËJOTY?”

5. 1) ¿Ti Jyobaa myooyë Moisés? (Ixë dibujë mä tsyondaˈagyë tyäˈädë artikulo.) 2) ¿Wiˈixë Moisés pyudëjkë ets kyaj nyekytsyëˈkë?

⁵ Ko Moisés ojts tnigajpxy ko jyëjptsëˈkëbë nety ko nipën kyamëjpëjtakxëdët ja yˈayuk, ta Dios pyudëjkë mä ja tuunk diˈibë nety tyunaampy. Biiblyë jyënaˈany: “Ta Jyobaa yˈanmääyë: ¿Ti diˈib mmëdäjtypy mgëˈëjoty? Ta yˈatsooy: Tuˈugë kepy. Ta yaˈˈanmääy: Nasjëduwë naxkëjxy, ta tnasjëduˈuwë naxkëjxy, ets ta jyëmbijty extëm tuˈugë tsäˈäny; etsë Moisés ta tkugeky. Jyobaa ta tˈanmääyë Moisés: Xäjtëw ets piˈixymyëmatsë. Ta xyajtëëy ets tmäjtsy, ets ta kyëˈëjoty jyëmbijty kepy. Netë Dios jyënany: Tyäˈädë yëˈë parë tmëbëktët ko Jyobaa [...] të mëët mnaybyaatyëty” (Éx. 4:2-5). Mëdë Diosë myëkˈäjtën, ta ja kepy jyëmbijty tsäˈäny. Tyäˈädë mëjˈäjtën yëˈë diˈibë netyë Moisés mbäät yajnigëxëˈëgyëty ko yëˈë Jyobaa të kyexyëty ets pudëjkëp. Ta yˈanmääyë: “Mgapëp yäˈädë mdäjk, jaˈa ko yëˈë duˈun mëët winë mëj këjaa xytyunäˈäny” (Éx. 4:17, MNM). Ko duˈunë Moisés yaˈˈanmääy, ta seguurë nyayjäˈäwë parë amëk jotmëk tmëtmaytyäˈägëdë faraon ets nanduˈun ja israelitëty (Éx. 4:29-31; 7:8-13).

6. 1) ¿Ti mbäät nmëdäjtëm këˈëjoty ko ngäjpxwäˈkxëm, ets tiko? 2) ¿Tiko Pablo jyënany ko Diosë yˈAyuk juugyëˈë ets “myëdäjtypy ja mëkˈäjtën”?

⁶ Ko jäˈäy ndukmëtmaytyakëmë Diosë yˈayuk, ¿ti diˈib nmëdäjtëm këˈëjoty? Yëˈë Biiblyë ets listë nˈijtëm parë nyajtuˈunäˈänëm. Ta jäˈäy diˈib winmääytyëp ko Biiblyë duˈun extëm oytyim diˈibëtyë liibrë, per kyaj tyëyˈäjtënëty, Biiblyë yëˈë Diosë yˈAyuk ets mët yëˈëgyëjxm xymyëgäjpxëm (2 Peed. 1:21). Biiblyë nyigajpxypy tijatyë Dios tyuknibëjtakëp ttunäˈäny mä yˈAnaˈam Kyutujkën. Päätyë apostëlë Pablo tkujäˈäyë: “Jaˈa ko yëˈë Dios ja yˈayuk myëdäjtypy ja mëkˈäjtën es jaˈagyëjxm jyaaty ja jikyˈäjtën [“juugyëˈë”, TNM]” (käjpxë Ebreeʉsʉty 4:12). ¿Tiko jyënany ko juugyë Diosë yˈAyuk? Yëˈko tijatyë Dios wyandakypy xëmë yˈadëy ets oy wyimbëtsëmy (Is. 46:10; 55:11). Ko tuˈugë jäˈäy tjaygyukë ko Diosë yˈAyuk juugyëˈë, ta mëjwiin kajaa pyudëkëty mä jyukyˈäjtën ko tkajpxyë Biiblyë, pes “myëdäjtypy ja mëkˈäjtën”.

7. ¿Wiˈix mbäät yajxon nyaˈëxpëjkëm mëdë tëyˈäjtën?

⁷ Jyobaa të xymyoˈoyëmë yˈAyuk diˈib juuky, yëˈë Biiblyë. Ets mët yëˈëgyëjxm mbäädë jäˈäy ndukˈijxëm ko tëyˈäjtën ets ko jam tsyoony mä Dios. Pääty ko Pablo tnijäˈäyë ja ebreo jäˈäyëty, ta tmëjämooyë Timoteo ko tˈanmääy ets oy yaˈëxpëkët mëdë tëyˈäjtën (2 Tim. 2:15). ¿Wiˈix mbäät nbanëjkxëmë tyäˈädë käjpxwijën? Ko yajxon nwinˈijxëm diˈibë tekstë ndukwingugäjpxëyäˈänëmë jäˈäy parë njotjäjtëm. Etsë trataadë diˈib të pyëtsëmy 2013 të duˈun yajtuknibëjtäägë.

KÄJPX TUˈUGË TEKSTË DIˈIB TË XYWYINˈIXY

8. Tuˈugë nmëguˈukˈäjtëm diˈib yˈijxypy wiˈix ngäjpxwäˈkxëm, ¿wiˈix tnimaytyaky mä ja jembyë trataadë?

⁸ Tukëˈëyë tyäˈädë jembyë trataadë tuknax myiny, pääty ko njäjtëm tuˈuk nyajtuˈunëm të nety njäjtäˈäyëm nyajtuˈunëm. Tuˈugë nmëguˈukˈäjtëm diˈib yˈijxypy wiˈix ngäjpxwäˈkxëm Hawái (Estados Unidos) jyënany: “Kyajtsë nety ndimwinmaytyë ko kajaats xypyudëkëyäˈändë tyäˈädë jembyë trataadë, duˈun tëjkmdëjkm ets duˈun mä mayjyaˈay yajpääty”. ¿Tiko yˈoybyëtsëmy ets kyaj tsyiptaˈaky nyajtuˈunëm? Tyäˈädë nmëguˈukˈäjtëm të tˈixy ko extëmë tyäˈädë trataadë të yajjäˈäy, yëˈë parë pojënë jäˈäy tˈatsoojëmbitët ets duˈun nyajtsondakëmë maytyaˈaky. Yëˈë wyinmay ko pääty kyaj tsyiptaˈaky mët ko trataadë winduuy myëmiimbyë yajtëˈëwën ets kanäk pëky tnigajpxy naa wiˈix mbäädë jäˈäy tˈatsoojëmbity, duˈun kyaj tmëmay tmëdäjët ko oy kyaˈˈatsoojëmbitët.

9, 10. 1) ¿Wiˈix xypyudëjkëmë trataadë parë nyajtuˈunëmë Biiblyë? 2) ¿Diˈibë trataadë oy të wyimbëtsëmy ko të xyajtuny, ets tiko?

⁹ Tuˈuk tuˈugë trataadë myëmiimbyë tekstë diˈib yajxon të yajwinˈixy parë ngäjpxëm. Extëm nˈokpëjtakëm ja trataadë ¿Waˈan näˈä jyëjptëgoyëdë ayoˈon? Oy ja jäˈäy xyˈatsoˈowëm “jëjptëgoyäämp”, “kyaj” o “waˈandaa”, oy ko netyë ndukˈijxëm mä jatuˈukpë pajina etsë net nˈanmäˈäyëm: “Biiblyë jyënaˈany”. Ta net ngäjpxëmë Diˈibʉ Jatanʉp 21:4.

¹⁰ Nanduˈun ko xyajtunëdë trataadë ¿Wiˈix xyˈixyë Biiblyë?, oyë jäˈäy wiˈix yˈatsoojëmbitët extëm myiny tëgëk pëky. Mbäät xyˈanëëmë: “Okˈix wiˈixë Biiblyë jyënaˈany”. Ta net xyˈayaˈpwäˈkxëdë trataadë ets xykyäjpxëdë tekstë diˈib miimp mä jyënaˈany: “Dios wyinmäˈänymyooy ja jyaˈayëty es tkëxjäˈäyët tëgekyë ja Diosë jyaaybyajtën”. Ets mbäät xyˈakˈanëëmë: “Tyäˈädë tekstë yˈakjënaˈany”. Ta net xyˈayaˈpwäˈkxëdë Biiblyë ets xykyäjpxëdë 2 Timotee 3:16, 17.

11, 12. 1) ¿Wiˈix mnayjawëyaˈanyëty pën myajtuumpy yajxonë jembyë trataadë? 2) ¿Wiˈix mbäät mbudëkëtyë jembyë trataadë ko jatëgokë jäˈäy xynyijëmbitët?

¹¹ Këˈëm mbäät xypyëkyë kuentë pën mbäät xykyajpxy ja trataadë ets xytyukmëtmaytyaˈaky ja jäˈäy. Ko xymyoˈoyët ja trataadë, jotkujk mnayjawëyaˈanyëty ko të nety xytyukwingugäjpxë Diosë yˈAyuk, oy jeˈeyë tuˈuk majtskë bersikulo ko tim jawyiin mëët të mnaybyaatyëty. Ets ko jatëgok mjëmbitët, mbäät mëët xyˈakˈyajnëjkxy ja maytyaˈaky.

¹² Mä tuˈuk tuˈugë trataadë jyënaˈany “Nayajtëwëdë”, jap tmëminy tuˈugë yajtëˈëwën etsë tekstë diˈib mbäät xykyajpxy mëdë jäˈäy ko nety xynyijëmbity. Mä trataadë Wiˈix mˈokwinmay, ¿tidaa miin këdakp?, yëˈë mbäät xyajtëy “¿Wiˈixë Dios dyaˈoyëyaˈanyë tyäˈädë jukyˈäjtën?”, ets xykyäjpxëdë Matewʉ 6:9, 10 etsë Daniel 2:44. Ets mä trataadë ¿Mbäädë oˈkpë jyukypyëktë?, yëˈë myajtëwëp “¿Tiko nmëjjäˈäyëm ets nˈoˈkëm?”, ets xykyäjpxëdë Génesis 3:17-19 etsë Romanʉs 5:12.

13. ¿Wiˈix mbäät nyajtuˈunëmë trataadë parë nyaˈëxpëjktsondakëmë jäˈäy?

¹³ Jembyë trataadë të yajtuknibëjtäägë parë nyaˈëxpëjktsondakëmë jäˈäy. Ëxkëˈëy myiny tuˈugë Código QRa (código diˈib pojënë pyatypy) ko jäˈäy dyajnaxtë tyäˈädë código, ta pojënë tyëkë mä pajina diˈib nmëdäjtëm mä Internet. Jap myiny tuˈugë bideo mä jäˈäy yaˈˈanëëmë parë tˈëxpëkëdë Biiblyë. Trataadë nan yˈawäˈänëbë foyetë Oybyë ayuk diˈib tsoˈomp mä Dios ets nan yˈanmaabyë jäˈäy parë tkäjpxët. Extëm nˈokpëjtakëmë trataadë ¿Pënën yˈaneˈembyë naxwinyëdë jäˈäy?, yˈanmaabyë jäˈäy parë tkäjpxëdë maytyaˈaky 5, etsë trataadë ¿Ti tsojkëp parë familyë yˈitët jotkujk?, jap xykyajxëm mä maytyaˈaky 9. Pën nyajtuˈunëm yajxonë trataadë, mbäät nyajtuˈunëmë Biiblyë ko nmëtmaytyakëmë jäˈäy ko tim jawyiin ninëjkxëm ets ko jatëgok nnijëmbijtëm. Ets duˈun mbäät niˈigyë nyaˈëxpëjktsondakëmë jäˈäy. ¿Tijaty mbäät xyˈaktuny parë yajxon xyajtunëdë Biiblyë mä mgäjpxwaˈkxy?

TUKMËTMAYTYÄˈÄGË JÄˈÄY DIˈIB MBÄÄT TˈOYMYËDOY

14, 15. ¿Wiˈix mbäädë Pablo yˈijxpajtën nbanëjkxëm mä ngäjpxwäˈkxëm?

¹⁴ Ko Pablo ojts kyäjpxwaˈkxy, tyuunë mëjää parë tjaygyujkë wiˈixë nety mayë jäˈäy yaˈix yajpäättë (käjpxë 1 Korintʉ 9:19-23). ¿Tiko duˈun ttuuny? Yëˈë këˈëm tkujäˈäyë ko pyudëkëyaambyë nety ja “israelitëty es diˈibë kyaj yˈisraelitëty”, niˈamukë ja jäˈäyëty parë tnijawëdët ja tëyˈäjtën ets nyitsoˈoktët (Apos. 20:21). Ko nnayjëjpˈijxëm parë nëjkxäˈänëm käjpxwäˈkxpë, ¿wiˈix mbäät nbanëjkxëmë Pablo yˈijxpajtën parë niˈamukë jäˈäy ndukninëjkxëmë tëyˈäjtën? (1 Tim. 2:3, 4.)

¹⁵ Mä Wiˈix nduˈunëmë Diosë Tyuunk miimp wiˈix mbäät nyajtsondakëmë maytyaˈaky tuˈuk tuˈugë poˈo. Oy ko duˈun xytyunët. ¿Ets pën kyaj jäˈäy tˈoymyëdoy mä ngäjpxwäˈkxëm? Pes winmay wiˈix mbäädë jäˈäy xyˈanëëmë parë tˈoymyëdowët. Extëm nˈokpëjtakëm, mbäät mnayajtëyëty: “¿Wiˈixë jäˈäy yaˈixy yajpääty diˈibëts nmëtmaytyäˈägaampy? ¿Ti diˈib mas jotmaytyuunëp?”. Ta net xywyinmayët diˈibë tekstë mbäät pyudëkëty. Tuˈugë sirkuitë tnimaytyaˈaky ti diˈib tyuundëp mëdë nyëdoˈoxy parë dyajtundë Biiblyë, jyënaˈany: “Mayë jäˈäy nyasˈijxëdëp parëts ngäjpxtët tuˈugë tekstë pën waanëts jeˈeyë nmëtmaytyäˈäktë ets pën yëˈëyëts ndukmëtmaytyakojtëp. Jawyiinëts nˈokkäjpxpoˈkxtë tsuj yajxon, per tëjëtsë netyë Biiblyë nyaˈpwäˈkxtë, tajëts ngäjpxtë tuˈugë tekstë”. Min nˈokˈijxëm tuˈuk majtsk tijatyë jäˈäy mbäät ndukmëtmaytyakëm, tijaty nyajtëˈëwëm ets diˈibë tekstë ngäjpxëm diˈib yˈoymyëdowëp. ¿Tiko duˈun xykyatuny?

16. ¿Wiˈix mbäädë Lukʉs 2:10 xyajtuny mä mgäjpxwaˈkxy?

¹⁶ Pën mtsënaapy mä it lugäär mä niˈigyë myëjwindëkë maˈtspë yajjäˈäyˈoˈkpë, mbäät xyajtëy: “¿Mbawinmaapy näˈä jyäˈtëdë tiempë mä niˈamukë jäˈäy ak yëˈëyë nyigäjpxëp ko abëtsemy nyaxwinyëdë kyaj jäˈäy nyekytsyëˈëk nyekyjawëdë ets ko yajpäättë agujk jotkujk? Duˈun yajnimaytyaˈaky mä Biiblyë mä Lukʉs 2:10. Biiblyë myaytyakypy kanäk pëky tijatyë Dios xytyukwandakëm ko tim tsojk jyaˈˈatäˈänyë jotkujkˈäjtën”. Ta xykyäjpxët tuˈugë tekstë mä yajnigajpxy tuˈugë wandakën.

17. ¿Wiˈix mbäät nyajtuˈunëmë Matewʉ 4:4 mä jäˈäy nmëtmaytyakëm?

¹⁷ Pën mä mtsëënë tsip nimëjää meeny sentääbë yajpääty. Mbäät duˈunë maytyaˈaky xyajtsondaˈaky: “¿Nuˈun mbäät tuˈugë jäˈäy gyanaraty parë fyamilyë oy jyukyˈatët?”. Ko netyë jäˈäy të yˈatsoojëmbity, ta xyˈanëëmët: “Ta pënaty niˈigyë ganaräjttëp, perë fyamilyë duˈunyëm kyaj jyotkujkˈattë. Pääty, ¿ti diˈib jyantsy yajtëgoyˈäjttëp?”. Ta net xykyäjpxëdë Matewʉ 4:4 ets xyˈawanët tuˈugë ëxpëjkën.

18. ¿Wiˈix mbäät nyajtuˈunëmë Diˈibʉ Jatanʉp 21:4 parë jäˈäy njotkujkmoˈoyëm?

¹⁸ ¿Ja tyamë jäˈäy mä mnax mgäjpn tkuˈayowëdë ti ayoˈon jotmay? Mbäät xyˈanëëmë: “Pääty të niminy parë njotkujkmoˈoyaˈany” (käjpxë Diˈibʉ Jatanʉp 21:4). Ta net xyˈanëëmët: “¿Të xypyekyë kuentë ko Dios tukëˈëyë tyäˈädë dyajjëjptëgoyaˈany? Dyajtëˈëtsäˈäny tukëˈëyë ja winëë. Kyaj yˈokˈijnët ja oˈkën, jëˈëy yaxën o ja pëjk adoˈonën. ¿Këdii jantsy oy ko nnijäˈäwëm ko Dios xytyukmëtsojkëm parë agujk jotkujk njukyˈäjtëm? Per ¿wiˈix mbäät duˈun njukyˈäjtëm?”. Ta net xytyukˈixëdë foyetë Oybyë ayuk.

19. Ko nmëtmaytyakëmë jäˈäy diˈib myëdäjttëbë ryelijyonk, ¿wiˈix mbäät nyajtuˈunëmë Diˈibʉ Jatanʉp 14:6, 7?

¹⁹ Mä mtsëënë, ¿myëdäjttëbë jäˈäyë ryelijyonk? Pën duˈun, mbäät xyajtsondaˈagyë maytyaˈaky: “Koxyëp tuˈugë anklës mˈokniminyëty ets mmëgajpxyëty, ¿mmëdooˈitëp wiˈix jyënaˈany?”. (Käjpx Diˈibʉ Jatanʉp 14:6, 7.) Komë tyäˈädë anklës jyënaˈany wintsëˈëgëdë Dios, ¿këdii jëjpˈam njaygyujkëm diˈibë Diosën myaytyakypy?”. Ta net xyˈanëëmët ko mˈaktukmëtmaytyäˈägaampy niˈigyë pënën Jyobaa Dios.

20. 1) ¿Wiˈix mbäät xyajtunyë Proverbios 30:4 parë jäˈäy xytyukniˈˈixët ti Dios txëˈaty? 2) ¿Jaa diˈibë tekstë të xyˈixy ko yˈoymyëdoobyë jäˈäy mä mgäjpxwaˈkxy?

²⁰ Mbäät xyajtsondaˈaky duˈunë maytyaˈaky mët tuˈugë mixy: “Njatukwingugäjpxëyaampy tuˈugë tekstë diˈib mä Biiblyë mä dyajtëy diˈib jëjpˈam”. Ta nety xykyäjpxëdë Proverbios 30:4 (käjpx).b Ta net xyˈanëëmët: “¿Pën diˈib yä yajmaytyakp? Kyaj jyaˈˈaty nituˈugë naxwinyëdë jäˈäy diˈib mbäät duˈun ttuny, ¿këdii? Pääty mbäät njaygyujkëm ko yëˈë yajmaytyakp diˈib të xyajkojëm.c Per ¿wiˈix mbäät nnijäˈäwëm ti txëˈaty? Njatukniˈˈixëyaampy wiˈix jyënaˈanyë Biiblyë”.

YAJTUNË MËKˈÄJTËN DIˈIB MYËDÄJTYPYË BIIBLYË MÄ MGÄJPXWAˈKXY

21, 22. 1) ¿Wiˈix tuˈugë tekstë diˈib yajxon të yajwinˈixy mbäät pyudëkëty tuˈugë jäˈäy parë dyajtëgatsëdë jyukyˈäjtën? 2) ¿Ti diˈib mdunaampy mä mgäjpxwaˈkxy?

²¹ Kyaj nnijäˈäwëm wiˈixë jäˈäy pyudëkëyaˈanyëty ko yajxon nwinˈijxëm tuˈugë tekstë. Extëm nˈokpëjtakëm, nimajtskë Testiigë diˈib Australia ojts tmëtmaytyäˈäktë tuˈugë toxytyëjk. Niduˈuk ta dyajtëëy: “¿Mnijäˈäwëp ti Dios txëˈaty?”. Ta net ojts tkajpxyë Salmo 83:18. Ja kiixy tnimaytyaˈaky wiˈix pyudëjkë tyäˈädë ää ayuk, jyënaˈany: “¡Kyajts nmëbëkany!” Ko ojts nyëjkxnëdë ja nmëguˈukˈäjtëm, ta ja kiixy tyëjkë kyarroty ets ojts nyijkxy mä liibrë toˈkpë diˈibë wëˈëmp naa 56 kilometrë, parë tˈixäˈäny pën nanduˈun jyënaˈanyë wiinkpë Biiblyë. Nanduˈun tˈëxtääyë Diosë xyëë mä tuˈugë diksionaaryë. Ko tjaygyujkë ko Dios txëˈaty Jyobaa, ta nyayajtëëwë pën jam ti diˈib kyaj tnijawë. Ko waanë tiempë nyajxy, ta mët ja mixy diˈibë nety pyëkaampy, tyëjkëdë ëxpëjkpë ets ok, ta nyëbajttë.

²² Pënaty kyäjpxtëbë Diosë yˈAyuk ets myëbëjktëp tijatyë Jyobaa wyandakypy, pudëjkëdëp parë dyajtëgatstëdë jyukyˈäjtën (käjpxë 1 Tesalónikʉ 2:13). Tijaty myaytyakypyë Biiblyë niˈigyë mëkˈäjtënë tmëdaty parë jyäˈtët mä jäˈäyë jyot kyorasoon ets nitii kyaduˈunëty extëm ko këˈëm winmäˈäny nmëtmaytyakëmë jäˈäy. Duˈunë duˈun, Diosë yˈayuk juugyëˈë ets niˈigyë tmëdatyë mëkˈäjtën. ¡Pääty nˈokˈyajtuˈunëm xëmë!

[Notë]

[Dibujë diˈib mä pajina 15]

¿Myajtuumpy yajxonë Biiblyë etsë trataadë mä mgäjpxwaˈkxy? (Ixë parrafo 8 axtë 13)