YAJTËˈËWËN DIˈIB YAˈˈATSOOJËMBIJTP MÄ BIIBLYË
¿Ti tsojkëp parë mˈuˈunk mˈënäˈk ttsoktëdë Dios?
Tukˈixë mˈuˈunk mˈënäˈk tijatyë Dios të dyajkojy parë ttsoktët ets tˈixyˈattët
Mˈuˈunk mˈënäˈk tsyokandëbë Dios pën ijttëp seguurë ko jantsy tam yajpääty ets ko tsojkëdëp. Nan jëjpˈam ets tˈixyˈattët (1 Fwank 4:8). Extëm nˈokpëjtakëm, tsojkëp tnijawëdët tiko jäˈäy ojts dyajkojy, tiko tnasˈixë etsë jäˈäy yˈayowdët ets ti xytyukmëdunäˈänëm mä tiempë myiny kyëdaˈaky. (Käjpxë Filipʉs 1:9.)
Parë mˈuˈunk mˈënäˈk ttsoktëdë Dios, jëjpˈam tˈixtët ko miitsëty nan mtsojktëbë Dios, pes yëˈë yˈixandëp ti miitsëty mduundëp. (Käjpxë Deuteronomio 6:5-7 etsë Proverbios 22:6.)
¿Ti mbäät xytyuny parë mˈuˈunk mˈënäˈk ttsoktëdë Dios?
Diosë yˈAyuk myëdäjtypyë mëkˈäjtën (Ebreeʉsʉty 4:12). Pääty pudëkë mˈuˈunk mˈënäˈk parë tjaygyukëdët tijatyë Biiblyë tukniˈˈijxëp wingëjxy. Ets parë xyjotjäˈtëdët, yaˈëxpëk extëmë Jesus ttukniˈˈijxë ja yˈëxpëjkpëty: yajtëw tijaty, mmëdooˈit wiˈix yˈatsoojëmbittë ets tukmëtmaytyäˈäk tijaty kyaj tjaygyukëdë. (Käjpxë Lukʉs 24:15-19, 27, 32.)
Nan mbäät xyˈëxpëktë mä Biiblyë mä tmaytyaˈaky wiˈixë Dios ttsekyë naxwinyëdë jäˈäy. Duˈuntsoo niˈigyë tˈixyˈattëdë Dios ets niˈigyë ttsoktët. Mä www.jw.org myiny kanäk pëky diˈib mbäät mbudëkëty. (Käjpxë 2 Timotee 3:16.)