YAJTËˈËWËN DIˈIB YAˈˈATSOOWËMBIJTP MÄ BIIBLYË
¿Wiˈix mbäät oyë mˈuˈunk mˈënäˈk xyajˈyeeky?
¿Mdukniˈˈijxëbë mˈuˈunk parë ttsokëdë Dios?
Ko tääk teety nyaywyintsëˈëgëdë ets nyaytsyokëdë, ta oy ja yˈuˈunk yˈënäˈk yaak pyattë (Kolosʉ 3:14, 19). Oy ko uˈunktääk uˈunkteety ttsoktëdë yˈuˈunk yˈënäˈk ets tmëjkumaytyët, duˈun extëmë Jyobaa tmëjkumääyë yˈUˈunk. (Käjpxë Matewʉ 3:17.)
Jyobaa, nDeetyˈäjtëmë tsäjpotmëdë, myëdoopy ko nmëgäjpxëm ets pyëjkypyë kuentë wiˈix nnayjäˈäwëm. Pääty, oyxyëp ko nanduˈunë tääk teety ttundë ets tmëdoowgukëdë wiˈix ja yˈuˈunk yˈënäˈk jyënäˈändë (Santya̱ˈa̱gʉ 1:19). Jëjpˈam ets tjaygyukëdë wiˈix nyayjawëdë, oy näˈäty tkaˈoymyëdowdët. (Käjpxë Números 11:11, 15.)
¿Wiˈix mbäät xypyudëkë mˈuˈunk mˈënäˈk parë oy yaak pyattët?
Tääk teety myëdäjttëbë madakën parë dyajnaxkëdäˈäktëdë anaˈamën jyënoty tyëgoty (Éfesʉ 6:1). Per duˈun extëmë Dios ttuny, oy ko ttukmëtmaytyäˈäktët tijaty anaˈamën pyëjtakypy ets wiˈix wyimbëtsëmäˈäny ko tkamëmëdowdët. Duˈunë nety dyajnigëxëˈëktë ko tsyojktëp (Génesis 3:3). Ets kyaj aguanë dyajmëdowdët, nik oy ko ttukˈixtët wiˈix ttukˈoyˈattët ko ttundët diˈib oy. (Käjpxë Isaías 48:18, 19.)
Pëjtäˈägë mwinmäˈäny parë xypyudëkëdë mˈuˈunk mˈënäˈk ets ttsoktëdë Dios. Net nëjkx ttundë diˈib oy, axtë ko mgayajpäädët mët yëˈëjëty. Ets duˈun extëmë Dios xytyukniˈˈijxëm mëdë yˈijxpajtën, nanduˈunë mˈuˈunk mˈënäˈk xytyukniˈˈixët mëdë mˈijxpajtën parë ttsoktëdë Dios. (Käjpxë Deuteronomio 6:5-7; Éfesʉ 4:32 etsë 5:1.)