Biiblyë myëdäjtypyë mëkˈäjtën parë dyaˈoyëdë jukyˈäjtën
Miyonkˈam kujkë jäˈäy pyudëkëtyë Biiblyë parë dyaˈoyëdë jyukyˈäjtën. ¿Tijaty käjxwijën mbäät xypyudëjkëm parë nwinguwäˈkëmë amay jotmay diˈib jabom jabom nbatëm? Parë xynyijawët, ixë tadë myëmajtskpë bideo diˈib xyëˈäjtypy La Biblia: el poder que ejerce en su vida, diˈib miimp mä DVD La Biblia: libro de hechos y profecías. Ko xyˈijxtäˈäyët, ta net xyˈatsoojëmbitëdë tyäˈädë yajtëˈëwën:
1) ¿Tiko njënäˈänëm ko ni diˈibë liibrë kyaduˈunëty extëmë Biiblyë? (Ebre. 4:12.) 2) Pënë Biiblyë mbäät tpudëkë jäˈäy ets yˈoyëdë jyukyˈäjtën, ¿tiko ko net tpäättë mëjwiin kajaa amay jotmay? 3) ¿Ti diˈibë Biiblyë kyäjpxkopkˈäjtypy? 4) ¿Diˈibë tekstë pudëjkëbë kasäädë jäˈäy 1) parë mas oy kyäjx myaytyäˈäktët ets 2) parë dyaˈoyëdët ja jyaˈayˈäjtën? 5) Ko nˈijxëmë tsënäˈäy jukyˈäjtën extëmë Biiblyë jyënaˈany, ¿wiˈix xypyudëjkëm parë mas jotkujk yˈitëdë familyë? (Éfe. 5:28, 29.) 6) Pënaty jamë yˈuˈunk yˈënäˈk, ¿wiˈix mbäät tpanëjxtë Jyobaa yˈijxpajtën? (Mar. 1:9-11.) 7) ¿Ti mbäädë tääk teety ttundë parë niˈigyë yˈuˈunk yˈënäˈk ttukxondäˈäktë mä yˈëxpëktë tuk familyë? 8) Extëmë Diosë yˈAyuk jyënaˈany, ¿ti ja tuk peky mbäät ttundë tääk teety mëdë yˈuˈunk yˈënäˈk, abeky mä mëët yˈëxpëktë? 9) ¿Wiˈixë Biiblyë tpudëkë familyë parë yajxon dyajtundëdë myeeny sentääbë? 10) Parë kyaj nbäˈämbajtëm, ¿diˈibë käjxwijënë mbäät xypyudëjkëm parë wäˈäts nnayaˈijtëm, njëjpkudijëmë droogë, nëë diˈib yajmukp etsë estrés? 11) ¿Tijaty wandakënë yajpatp mä Biiblyë diˈib xyjotkujkmoˈoyëm? (Job 33:25; Sal. 145:16.) 12) ¿Wiˈix të mbudëkëtyë Diosë yˈAyuk parë të xyaˈoyë mjukyˈäjtën? 13) ¿Wiˈix mbäät xyajtunyë tyäˈädë bideo parë xypyudëkëdë wiink jäˈäy?