Nˈokpaˈˈayoˈojëmë jäˈäy
1. ¿Ti tyam yajtëgoyˈäjttëbë jäˈäy?
1 Ninäˈänëm duˈunë mayjyaˈay tkayajtëgoyˈaty yajpaˈˈayowët extëm tyam. Abëtsemy naxwinyëdë niˈigyë myäˈtˈadëtsnë tiempë, ets oytyimmääjëty nitii oyˈäjtënë jäˈäy tkanekyjëjpˈixtë, kyaj jyotkujkˈattë ets jeˈeyë kyumon kyudukëdë. Nnijäˈäjëm ko miyonkˈamë jäˈäyëty tsyojktëbë naybyudëkë, ets ëtsäjtëmën xypyatëm parë nbaˈˈayoˈojëm (Mat. 22:39; Gal. 6:10). Per ¿wiˈix mbäät nyaˈijxëm?
2. ¿Wiˈix mbäät nyaˈijxëmë paˈˈayoˈojën?
2 Nˈokpaˈˈayoˈojëmë jäˈäy ko ngäjpxwäˈkxëm. Yëˈëyë Dios diˈib mbäät xyjotkujkmoˈoyëm (2 Kor. 1:3, 4). Jyobaa xytyukˈanaˈamëm ets nbanëjkxëmë yˈijxpajtën, yëˈë jyënaˈany: “paˈˈayoˈowdë jäˈäy”. Ets nan të xytyuknipëjkëm parë ndukmëtmaytyakëmë mëjëmbäˈä mëdëjkpäˈä ja oybyë ää ayuk diˈib mä yˈAnaˈam Kyutujkën (1 Peed. 3:8). Ko xëmë duˈun nduˈunëm, ta njotkujkmoˈoyëmë jäˈäy “diˈib jyäˈäwëp ja jäj jëmuˈumën mä jyot kyorasoon”, pes yëˈëyë Diosë yˈAnaˈam Kyutujkën diˈib yajjëjptëgoyaambyë tyäˈädë ayoˈon jotmay (Isa. 61:1). Ets mët ko xypyaˈˈayoˈojëmë Jyobaa, tsojk dyajjëjptëgoyaˈanyë axëkˈäjtën ets dyajminäˈäny ja jembyë jukyˈäjtën (2 Peed. 3:13).
3. ¿Wiˈix mbäät nbanëjkxëmë yˈijxpajtënë Jesus?
3 Nˈokˈijxëmë jäˈäy extëm Jesus tˈijxy. Jesus kyaj jeˈeyë ojts tmëtmaytyaˈagyë mayjyaˈay, nan yˈijx tyuun wiˈixë nety niduˈuk niduˈuk yajpudëkëyäˈändë parë oy yˈittët mëdë Dios. Ets myëdäjtë maˈkxtujkën ko dyaˈëxpejkyë jäˈäy, jaˈko duˈunë nety yajpäättë extëmë borreegë diˈib kyaj pënë kyuentˈäjtpë (Mar. 6:34). Pën nbanëjkxëmë yˈijxpajtënë Jesus, ta nanduˈun nbaˈˈayoˈojëmë jäˈäy ets nyajnigëxëˈkëm mä wiin jëjp ets mä käjpx maytyakën. Duˈunë nety nbëjtakëm jëjpˈam mä nˈëwäˈkx ngäjpxwäˈkxëm ets nmëtmaytyakëmë jäˈäy extëm yaˈix yajpäättë (1 Kor. 9:19-23).
4. ¿Tiko jyëjpˈamëty nbaˈˈayoˈojëmë jäˈäy?
4 Milˈamë jäˈäy diˈib tsoˈondëp oytyimmääjëty oy nyayjawëdë ko naytyukjotmaytyuˈunëm mët yëˈëjëty ets tˈoymyëdowdë ää ayuk diˈib nyimaytyakypyë Diosë yˈAnaˈamën. Ko nbaˈˈayoˈojëmë jäˈäy, duˈunë nety nwintsëˈkëm ets nyajxondakëmë Jyobaa Dios diˈib paˈˈayoop (Kol. 3:12).