Nˈokˈawäˈänëmë foyetë o rebistë diˈib kyaj jyemyëty diˈibë jäˈäy yˈoyˈixëp

Ko tpäätyë poˈo mä yaˈˈawanë tyäˈädë liibrë ¿Ti tukniˈijxëbë Biiblyë?, ta nyaˈˈanmäˈäyëm ets nbëjtakëmë winmäˈäny perë nyaˈëxpëjktsondakëmë jäˈäy. Pën ja jäˈäy jam tmëdaty ja liibrë, per kyaj yˈëxpëkäˈäny, ta xyˈawanët tuˈugë rebistë diˈib kyaj jyemyëty o tuˈugë foyetë. ¿Tiko mbäät nˈawäˈänëm?

Yëˈko tadë foyetë etsë rebistë kanäk peky tmaytyaˈaky diˈib mbäädë jäˈäy tˈoymyëdoy mä nˈëwäˈkx ngäjpxwäˈkxëm. Pääty kyaj xyjyaˈaytyëgoyët, mëtsoon tuˈuk majtsk ko mnëjkxët tëjkˈayeˈebyë. Pën kyaj xymyëdatyë rebistë diˈib kyaj jyemyëty, amdow pën yajkypy ja rebistë. Ko xymyëtmaytyäˈägët tuˈugë jäˈäy diˈib myëdäjtypyë liibrë ¿Ti tukniˈijxëbë Biiblyë? per kyaj yˈëxpëkäˈäny, ta xyˈawanët tuˈuk majtskë rebistë o tuˈugë foyetë ets waˈan këˈëm twinˈixy diˈibë tsyojkënyëˈajtypy. Anëëmë ko jatëgok xynyijëmbitäˈäny. Pën duˈun xëmë xynyinëjkxy waˈan nëjkx näˈä tyëkë ëxpëjkpë.