“Tundë dëˈën”
Yajjamyatsäˈänyë Jesusë yˈoˈkën xëë 5 äämbë abril
1. ¿Tiko jyëjpˈamëty njamyajtsëmë Jesusë yˈoˈkën xëë?
1 “Tundë dëˈën esëts xyjamyatstët.” (Luk. 22:19.) Duˈunë Jesus ojts ttukˈaneˈemy ja yˈëxpëjkpëty ets tjamyatstët mä wiˈixë nety tkuˈoogëyaˈanyë naxwinyëdë jäˈäy. Tyam, ëtsäjtëm yëˈë tadë xëë diˈib mas mëj nyajnäjxëm mët ko mëjwiin kajaa ndukˈoyˈäjtëm ko të nyajjuˈuybyëtsëˈëmëm, etsë tyäˈädë jëmëjt ja yajjamyatsäˈäny 5 äämbë abril. ¿Wiˈixë net ndukˈijxëmë Jyobaa ko nmëjjäˈäwëm? (Kol. 3:15.)
2. Ko nˈëxpëjkëm ets nbawinmäˈäyëm, ¿wiˈix nyajnigëxëˈkëm ko mëj nyajnäjxëmë Jesusë yˈoˈkën xëë?
2 Nˈoktukniwinmäˈäyëm. Ko ti ndunäˈänëm diˈib jëjpˈam, ta kontiempë ndukniwinmäˈäyëm. Extëm ko yajjamyetsyë Jesusë yˈoˈkën xëë, mbäät desde mä jot korasoon ndukniwinmäˈäyëm ets nˈëxpëjkëm mëdë familyë tijaty tuun jäjtë mä netyë Jesus kyaˈookynyëm etsë net nbawinmäˈäyëm (Esd. 7:10). Extëm mä kalendaaryë ets mä foyetë Examinando jap myiny tuˈugë listë mä kanäägë bersikulo tmaytyaˈaky tijaty tuun jäjtë. Ets mä La Atalaya 1 de febrero de 2011 (pajina 23 etsë 24) jap tmëmiiny tuˈugë listë mä niˈigyë tnigajpxy diˈibaty kapitulo mbäät ngäjpxëm mä liibrë El hombre más grande.
3. Ko nëjkxëm ëwäˈkx käjpxwäˈkxpë, ¿wiˈix nyajnigëxëˈkëm ko mëj nyajnäjxëmë Jesusë yˈoˈkën xëë?
3 Nˈokkäjpxwäˈkxëm. Ja tuk peky wiˈix mbäät nyaˈijxëm ko mëj nyajnäjxëmë Jesusë yˈoˈkën xëë, ja ko niˈigyë nëjkxëm ëwäˈkx käjpxwäˈkxpë (Luk. 6:45). Sääbëdë 17 äämbë marsë, ja ogäˈänë jäˈäy yajwowäˈäny abëtsemy nyaxwinyëdë parë nyëjkxtët mä yajjamyatsäˈänyë Jesusë yˈoˈkën xëë. ¿Mbäät xytyukniwitsë parë niˈigyë mnëjkxët ëwäˈkx käjpxwäˈkxpë o axtë mdunët prekusoor ausilyaar? ¿Tiko xykyanimaytyäˈäktë ko jatëgok mDiosˈawdattët mëdë mFamilyë?
4. ¿Wiˈix ndukˈoyˈäjtëm ko nëjkxëm mä yajjamyatsäˈänyë Jesusë yˈoˈkën xëë?
4 ¡Mëjwiin kajaa ndukˈoyˈäjtëm ko nëjkxëm jëmëjt jëmëjt mä yajjamyetsyë Jesusë yˈoˈkën xëë! Xymyëjämoˈoyëm ets niˈigyë myëjwindëkë ja tsojkënë mä Jyobaa ko nbawinmäˈäyëm mä wiˈix yëˈë yˈoyjyaˈayëty, ko tkejxy ja tyuˈukˈUˈunk ets ojts xyjuˈuybyëtsëˈëmëm (Fwank 3:16; 1 Fwank 4:9, 10). Pääty kyaj nekyjukyˈäjtëm extëmë ngëˈëmwinmäˈänyˈäjtëm (2 Kor. 5:14, 15). Nan xytyuktëjkëmë tsojkën parë nyajmëjpëtsëˈëmëmë Jyobaa oytyim määjëty (Sal. 102:19-21). Mëjwiin kajaa njantsy myëjjäˈäwëm, pääty tyamë Dios mëduumbëty tjantsy jëjpˈixtë tadë xëë 5 äämbë abril parë tnigäjpx tnimaytyäˈäktët ja “Nintsënˈäjtëmë yˈoˈkën” xëë (1 Kor. 11:26).