Mäjmajtsk peky tiko mbäät ngäjpxwäˈkxëm

¿Tiko ngäjpxwäˈkxëm etsë jäˈäy nyaˈëxpëjkëm? ¿Yëˈëdaa parë nbudëkëyäˈänëm diˈib jyantsy pyäädaampy ja nëˈë tuˈu diˈib mënëjkxp mä jukyˈäjtën? (Mat. 7:14.) Tyää mäjmajtsk peky yajnigäjpxäˈäny tiko nˈëwäˈkx ngäjpxwäˈkxëm, per ¿diˈibëdaa mas jëjpˈam?

1. Yëˈë tuˈugë tuunk diˈib yajnitsokp (Fwank 17:3).

2. Yëˈë parë yaˈˈawanëdë axëkjäˈäy (Eze. 3:18, 19).

3. Yëˈë adëëp diˈib ojts yajnaskäjpxë mä Biiblyë (Mat. 24:14).

4. Yëˈë parë yaˈixët ko Jyobaa tëyˈäjtën myëët tijaty ttuny. Ko nëjkx dyajkutëgoyë axëkjäˈäytyëjk, kyaj pën nëjkx jyënaˈany ko kyaj të tmëdatyë tiempë parë jyodëmbitët (Apos. 17:30, 31; 1 Tim. 2:3, 4).

5. Yëˈë parë nguytyuˈunëm ja tuunk diˈib të nyajtuknipëjkëm, nbudëjkëmë jäˈäy diˈib të yajkujuy mëdë Kristë nyeˈpyny (Rom. 1:14, 15).

6. Parë kyaj nikëjxmˈäjtëm ko axëkjäˈäy yˈooktët (Apos. 20:26, 27).

7. Parë nbatëm ja nitsokën (Eze. 3:19; Rom. 10:9, 10).

8. Parë nyajnigëxëˈkëm ko ntsojkëm ja nmëguˈukˈäjtëm (Mat. 22:39).

9. Parë nyajnigëxëˈkëm ko nmëmëdoˈojëmë Jyobaa etsë yˈUˈunk (Mat. 28:19, 20).

10. Duˈunën nDiosˈawdäjtëm (Ebre. 13:15).

11. Duˈunën nyajnigëxëˈkëm ko ntsojkëmë Dios (1 Fwank 5:3).

12. Yëˈë parë nyajwatsëmë Jyobaa xyëë (Isa. 43:10-12; Mat. 6:9).

Per kyaj yëˈëyëtyë tyäˈädë, ta kanäk peky tiko mbäät ngäjpxwäˈkxëm. Ko ngäjpxwäˈkxëm nan yajkëktëjkëp ja mëbëjkën ets duˈunën nbudëjkëmë Dios (1 Kor. 3:9). Per diˈib mas jëjpˈam, yëˈë myëmäjmajtsk pekypyë. Ko nˈëwäˈkx ngäjpxwäˈkxëm, yëˈë parë nyajwatsëmë Diosë xyëë oyë jäˈäy tmëdowäˈäny tkamëdowäˈäny. Ets yëˈë nanduˈun parë Jyobaa tˈatsoojëmbitët diˈib wingäjpxpajtëp ets nëxik tukxikëp (Pro. 27:11). Pääty, kanäk peky jyaˈˈaty tiko mbäät xëmë ngäjpxwäˈkxëm “ja oybyë ayuk” etsë jäˈäy nyaˈëxpëjkëm (Apos. 5:42).