Nˈokˈijtëm “tiˈigyë mët nidëgekyë jäˈäyëty”
1. ¿Diˈibë käjpxwijënë mbäät xypyudëjkëm pën jotˈambëjkpë jäˈäy ko ninëjkxëm mä jyëën tyëjk?
1 Jyobaa nyax kyäjpn kyaj tsyiptun tsyipkäjpxtë, niˈigyë tkäjpxwäˈkxtë parë jäˈäy tuˈugyë yˈittët (Is. 52:7). Per ta jäˈäy diˈib jantsy jotˈambëjkp ko ninëjkxëm mä jyëën tyëjk. Nˈokˈijxëm ti mbäät xypyudëjkëm parë kyaj ntsiptuˈunëm mëdë jäˈäy ets parë nˈijtëm yuunk naxypy (Rom. 12:18).
2. ¿Tiko jyëjpˈamëty nwinmäˈäyëm kajabäät?
2 Nˈokwinmäˈäyëm kajabäät. Näägë jäˈäy jantsy awäˈän xyˈatsoˈowëm mët ko kyaj tmëdowäˈändë tëyˈäjtën, perë wiinkpë xyˈatsoˈowëm duˈun mët ko tmëdattë mayë tyuunk, tuˈugë jotmay, o waˈan të tmëdowdë axëëk nyajnimaytyakëm (2 Kor. 4:4). Diˈib mbäät xypyudëjkëm parë nˈijtëm yuunk naxypy, yëˈë ko kajabäät nwinmäˈäyëm ets njaygyujkëm ko kyaj ëtsäjtëm xytyukjotˈambëjkëm (Prov. 19:11).
3. ¿Wixaty mbäät nyaˈijxëmë wintsëˈkën ko jäˈäy nmëtmaytyakëm?
3 Nˈokˈyaˈijxëmë wintsëˈkën. Mä territooryë, nbatëm mayë jäˈäy diˈib mëktaˈaky nyitsiptuundëp tijaty myëbëjktëp (2 Kor. 10:4). Ets patëp niduˈuk niduˈugë jäˈäy twinˈixët pën myëdooˈitaambyë Diosë yˈayuk o pën kyaj. Ninäˈä mbäädë mayˈäjt wintsëˈkën ngayajtëgoˈoyëm oy ti jäˈäy tmëbëkët ets ni ngayajwinmäˈäyëm ko kyaj ti tjaty tnijawë. Ets pën xyˈëxkajxëm, oy ko nnayjëgäjpxëm wintsëˈkën myëët.
4. ¿Ti yˈandijpy ngäjpx nmaytyakëm “tsujtiˈknë”?
4 Nˈokmaytyakëm tsuj yajxon. Axtë ko jäˈäy wixaty xyˈanmäˈäyëm, oy ko xëmë nˈatsoˈojëm “tsujtiˈknë”, tyäˈädë yëˈë yˈandijpy, nˈijtëm yuunk naxypy ets ajiiky amëguˈuk (Kol. 4:6; 1 Peed. 2:23). En lugäär nyajtëjkëmë maytyaˈaky diˈibë net ok mëdë jäˈäy nyajtsiptakëm, oy ko yëˈë njëjpkäjpxëm diˈib nanduˈun nmëbëjkëm. Nˈokˈyajˈyoˈoyëmë jot winmäˈäny parë nnijäˈäwëm tiko duˈun wyinmay. Per näˈäty, mas oy ko nyajjëjpkëjxëm ja maytyaˈaky parë këdiibë niˈigyë jäˈäy jyotˈambëkët (Prov. 9:7; 17:14).
5. ¿Wiˈix wyimbëtsëmy ko nyaˈijxëmë yuunkˈat naxypyˈat mä ngäjpxwäˈkxëm?
5 Pën yuunk naxypyë jäˈäy nˈatsoˈojëm, mbäät yëˈë pyudëkëty parë tmëdooˈitëdë Diosë yˈayuk ko jatëgokë wiinkpë nmëguˈukˈäjtëm nyaxët (Rom. 12:20, 21). Kyaj nnijäˈäwëm pënë jäˈäy diˈib tyam kyaj tmëdowäˈänyë Diosë yˈayuk, nëjkxëp näˈä tyëkë Dios mëduumbë (Gal. 1:13, 14). Per oy näˈä tˈoymyëdowët o tkaˈoymyëdowët, pën ijtëm yuunk naxypy ets kyaj pojënë njotˈambëjkëm, nëjkxëbë Jyobaa nyajmëjpëtsëˈëmëm ets nan nëjkxëp nyaˈoygyëxëˈkëm ja tëyˈäjtën (2 Kor. 6:3).