Jantsy oy wyimbëtsëmy ko jäˈäy nwoˈojëm

Ko nety yˈaktëgoyˈaty ja tëgëk sëmään parë nduˈukmujkëm tëgëk xëë, ta nwowäˈänëmë jäˈäy diˈib mä territooryë parë nyëjkxtët. Ets tam tiko mbäät nwoˈojëm. Pes tyuk jëmëjt myajtsk jëmëjtëp ojtsë jäˈäy tˈaxäjëdë inbitasyonk ets ojts nyëjkxtë mä asamblee, tyäˈädë jäˈäyëty monyˈijx monyjäˈäwëdë ko tmëdoodë diskursë, ko tˈijxtë wiˈix të yajtukniwijtsëtyaˈay tijaty yajtuump ets wiˈix ja jäˈäyëty jyantsy oyjyaˈayˈattë ets yajpäättë tuˈugyë (Sal. 110:3; 133:1; Is. 65:13, 14). Per, ¿oyëdaa wyimbëtsëmy ko jäˈäy nmoˈoyëmë inbitasyonk diˈib kajaa tuˈuyoˈoyäämp parë nyëjkxët mä asamblee?

Ko nyajxy ja tuˈukmujkënë tëgëk xëëbë 2011, ta mä tuˈugë Betel ojts yaˈˈaxäjë tuˈugë neky, yëˈë kyajx tuˈugë toxytyëjk diˈib xëmë wyinguyuˈtsypyë Testiigëty, per të nety tpääty tuˈugë inbitasyonk mä tyëjkˈagäj. Ja neky jyënany: “Jantsy tsujëtsë njëën ndëjk ets jantsy oyjyaˈayëtsë nyaˈay, duˈunëtsë nety nwinmay ko kyajts ti xytyëgoyˈäjtxë parëts nˈagujkˈat njotkujkˈatët. Per kyaj tyëyˈäjtënëty, awäˈäts tukwäˈätsë nety njukyˈaty, päätyëts nwinmääy nëjkxäˈänyëts asamblee sääbëdë oyëtsë nety ndimkarrëwiidët 320 kilometrë”. Yëˈë jyantsy yˈoyˈijx ja asamblee, pääty ojts tmëgajpxy ja nyaˈay ets tˈanmääy ko kyaj jyëmbitäˈäny, jamyë wyëˈëmäˈäny parë jakumbom domingë nyëjkxäˈäny jatëgok. Tyäˈädë toxytyëjk jyënaˈany: “Nmëdooˈijtääyëts tukëˈëyë diskursë ets mayëtsë Testiigë nˈixyˈajty, kyajts njatsejky jyëjpkëxët”. Ko jyëmbijtyë tyäˈädë toxytyëjk, ta tyëjkë ëxpëjkpë ets kyum majtsk poˈo ta tyëjkë ëwäˈkx käjpxwäˈkxpë. Yëˈë jyënaˈany: “¡Jantsy oy kots nbaty ja inbitasyonk ndëjkˈagëˈëyëts! Tyam, kyajts nanëgoobë njukyˈaty”.

Seguurë ko nëjkxandëp asamblee niduˈuk nimajtsk diˈib yˈaxäjëdëbë inbitasyonk. Pääty nˈoktukˈijt nˈoktukxoˈonëm mä nyajwäˈkxëmë inbitasyonk ets nˈokmënëjkxëm mä asamblee ja diˈib nadëjkëp parë jäˈäy nëˈääy tuˈääy nˈakmoˈoyëm.

[Rekuäädrë diˈib mä pajina 5]

¿Wiˈix yajkëyakäˈänyë inbitasyonk?

Parë nyaˈˈabëtsëˈëmëm ja territooryë, oy ko kyaj jekyë jäˈäy nmëtmaytyakëm. Mbäät jawyiin ngäjpxpoˈkxëm ets naa duˈun nˈanmäˈäyëm: “Tyam, abëtsemy nyaxwinyëdëts nyajwäˈkxtë tyäˈädë inbitasyonk. Tyäˈädë mijts nmoˈoyaampy. Yap niˈigyë xynyijawët tiko myajwoy”. Nˈoktukˈijt nˈoktukxoˈonëm. Ko nyajwäˈkxëmë inbitasyonk sääbëdë domingë, nan mbäät nmoˈoyëmë rebistë pën yˈoymyëdoopy.