Nˈokwoˈojëmë jäˈäy mä asamblee

1. ¿Näˈä yajwootsondäˈägäˈänyë jäˈäy mä asamblee tëgëk xëëbë etsë asamblee mä jyäˈttë diˈib tsoˈondëp kanäk paˈis?

¹ Nˈokpëjtakëm ko mijts xyaˈoyë käˈäy ukënë diˈib të xyjantsy nyiduungë ets të xyajtunyë mmeeny msentääbë, ¿këdii agujk jotkujkë net xywyowët ja mëtnaymyaayëbë o mjiiky mmëguˈuk? Pes nanduˈun të yajniduungë ja käˈäy ukënë diˈibë Dios xymyoˈoyäˈänëm mä asamblee tëgëk xëëbë etsë asamblee mä jyäˈttë diˈib tsoˈondëp kanäk paˈis, mä tyäˈädë jëmëjt 2014. Ko nety yˈaktëgoyˈaty ja tëgëk sëmään, ta nmëdatäˈänëm tuˈugë oybyë tuunk parë nwoˈojëmë jäˈäy ets nyëjkxtët. ¿Ti xypyudëkëyäˈänëm parë nduˈunëmë tyäˈädë tuunk agujk jotkujk?

2. ¿Ti xypyudëkëyäˈänëm parë nduˈunëmë tyäˈädë tuunk agujk jotkujk?

² Diˈib xypyudëkëyäˈänëm parë nduˈunëmë tyäˈädë tuunk agujk jotkujk, yëˈë ko nbawinmäˈäyëm ko kajaa ndukˈoyˈäjtëm ko nˈaxäjëmë käˈäy ukënë diˈib xymyoˈoyëmë Jyobaa mä asamblee (Is. 65:13, 14). Nˈokjamyajtsëm nanduˈun ko oy wyimbëtsëmy ko jëmëjt jëmëjt nwoˈojëmë jäˈäy, pes ta nääk diˈib nëjkxandëp mä asamblee. Per oy niwaanë o nimay nyëjkxtët, tyäˈädë tuunk yajmëjpëtsëmaambyë Jyobaa ets yajnigëxëˈëgaampy ko yëˈë oyjyaˈay (Sal. 145:3, 7; Diˈibʉ Jat. 22:17).

3. ¿Wiˈix wyäˈkxäˈänyë inbitasyonk?

³ Pënaty tuundëp mëjjäˈäy mä naymyujkën, yëˈë tyukniwitsëyandëp wiˈix mbäät nimayë jäˈäy nwoˈojëm, ets pën mbäät nnikakëm ja inbitasyonk mä kyaj pën nbatëm o ko ngäjpxwäˈkxëm mä mayjyaˈay yajpääty. Ets sääbëdë domingë oy ko nˈijxëm pën mbäät nˈawäˈänëmë rebistë mët ja inbitasyonk. Mä tim jawyiimbë sääbëdë mä poˈo tsyondaˈaky kyaj jäˈäy nyaˈëxpëjktsondäˈägäˈänëm, yëˈëyë nyajwäˈkxäˈänëmë inbitasyonk. Ko jyëjpkëxëdë tyäˈädë tuunk, agujk jotkujk nnayjawëyäˈänëm, pes të nety ndukxondakëm ko jantsy nimayë jäˈäy të nwoˈojëm mä Jyobaa dyakäˈäny ja käˈäy ukën.