Ja ogäˈänë jäˈäy yajwowäˈäny 1 äämbë marsë
1. ¿Näˈä ogäˈänë jäˈäy yajwowäˈäny mä yajjamyatsäˈänyë Jesusë yˈoˈkën xëë, ets tiko mä tyäˈädë jëmëjt tsojk yajwootsondäˈägäˈäny?
1 Biernës 1 äämbë marsë, ja ogäˈänë jäˈäy yajwowäˈäny mä yajjamyatsäˈänyë Jesusë yˈoˈkën xëë, 26 äämbë marsë. Mä tyäˈädë jëmëjt, tsojkë jäˈäy yajwootsondäˈägäˈäny parë nimay nwoˈojëm, ets parë nyaˈˈabëtsëˈëmëm ja territooryë.
2. ¿Tijaty yajtunäämp parë nyaˈˈabëtsëˈëmëm ja territooryë, ets wiˈix nyajmoˈoyäˈänëm ja inbitasyonk?
2 ¿Wiˈix yajtunäˈäny? Mëjjäˈäytyëjk yëˈë nyigäjpxandëp wiˈix nyaˈˈabëtsëˈëmëm ja territooryë ets pën mbäät nnikakëm ja inbitasyonk mä kyaj pën nbatëm. Pën nadëjkëp ja inbitasyonk ko nety të nyaˈˈabëtsëˈëmëm ja territooryë, mbäädë net ngëyäjkëm mä jäˈäy ndimpatëm. Diˈib yˈijxypy wiˈix ngäjpxwäˈkxëm yëˈë nyikëjxmˈataampy parë wanaty wanaty tpëjtäˈägët mä rebistë yajkëyaky ja inbitasyonk diˈib myëmiimpy kujayë mä tyunäˈänyëty ets ti oorë parë tmënëjkxtëdë nmëguˈukˈäjtëm nuˈun dyajtunäˈändë. Ets duˈun mbäät nmënëjkxëm nuˈun ngëyakäˈänëm mä tuˈukpë sëmään.
3. ¿Ti mbäät nyaˈijtëm winmäˈänyoty ko nety ngëyäjkëmë inbitasyonk?
3 ¿Wiˈix yajkëyakäˈäny? Oy ko kyaj nëgoo jeky nmëtmaytyakëmë jäˈäy net nimay nmoˈoyëm ja inbitasyonk. Mä pajina 4 tap myiny wiˈix mbäädë jäˈäy nmëtmaytyakëm mä territooryë. Per pën ja jäˈäy xyˈaxäjëm tsuj yajxon o jam tijaty dyajtëy, mbäät jeky nmëtmaytyakëm. Pën mbäät, nan oy ko ngëyäjkëmë rebistë sääbëdë domingë ko nety nyajwäˈkxëm ja inbitasyonk. Sääbëdë 2 äämbë marsë yëˈëyë yajkëyakäämbë inbitasyonk, kyaj parë nyaˈëxpëjktsondakëmë jäˈäy extëm xëmë nduˈunëm.
4. ¿Tiko mbäät ndukˈijt ndukxoˈonëm mä nyajwäˈkxäˈänëmë inbitasyonk?
4 Nˈawijxëm ets mayë jäˈäy myindët mä yajjamyatsäˈänyë Jesusë yˈoˈkën xëë. Mä ja diskursë yëˈë yajnimaytyäˈägäämp ti tuunk nyikëjxmˈäjtypyë Jesukristë (1 Kor. 11:26). Nnijawëyäˈänëm wiˈix ndukˈoyˈäjtëm ko ojts xykyuˈoˈkëm (Rom. 6:23). Ets nan yajnigäjpxäämp tiko jyëjpˈamëty ets xëmë njamyajtsëmë Jesus (Fwank 17:3). ¡Nˈoktukˈijt nˈoktukxoˈonëm niˈamukë mä nyajwäˈkxäˈänëmë tyäˈädë inbitasyonk!