Nˈokwoˈojëmë jäˈäy mä yajjamyatsäˈänyë Jesusë yˈoˈkën xëë
1. ¿Näˈä nyajwäˈkxäˈänëmë neky parë nwowäˈänëmë jäˈäy ets wiˈix wyimbëtsemy ko duˈun nduˈunëm?
1 Ja nyajwäˈkxäˈänëmë neky 2 äämbë abril axtë 17 äämp, parë nwoˈojëmë jäˈäy mä yajjamyatsäˈänyë Jesusë yˈoˈkën xëë, ja xëë diˈib mas jëjpˈam mä tuˈukpë jëmëjt. Nuˈun kujkë jëmëjt nyaxy, mayë jäˈäy nyëjkxtë ko yajwowdë. Extëm tuˈugë toxytyëjk diˈib yajwoo ojts kyajpxy jam Betel ja xëë mä naty yajjamyatsäˈänyë Jesusë yˈoˈkën xëë, yëˈë jyënany: “Kots të njäˈty mätsë ndëjk tajëts të nbääty tuˈugë neky mätsë ndëjkˈagäjˈëjx. Nëjkxäämbëts, per kyajts nnijawë ti oorë”. Ta yaˈˈanmääy ko mä neky tap tnigajpxy. Net ja toxytyëjk jyënany: “¡Seguurëts tyam nëjkxäˈäny mä mnaymyukäˈänëdë!”.
2. ¿Wiˈix mbäädë jäˈäy nˈanmäˈäyëm ko nwoˈojëm?
2 ¿Wiˈix yajkëyakäˈäny? Kom waanë tiempë nmëdäjtëm parë nyaˈˈabëtsëˈëmëm mäjaty ngäjpxwäˈkxëm, oy ko kyaj jekyë jäˈäy nmëtmaytyakëm. Ko naty ja jäˈäy të ngäjpxpoˈkxëm, ta nˈanmäˈäyëm: “Yëˈë nmoˈoyaambyë tyäˈädë neky mëdë mfamilyë parë mnëjkxtët domingë 17 äämbë abril [mmoˈoy ja neky]. Jats njamyatsäˈändë abëtsemy nyaxwinyëdë Jesusë yˈoˈkën xëë ets jap tuˈugë diskursë nyaxäˈäny mä yajnimaytyäˈägäˈäny wiˈix ndukˈoyˈäjtëm ko Jesus ojts xykyuˈoˈkëm. Yä yajnigajpxy ti oorë tsyondäˈägäˈäny ets mää tyunäˈänyëty”.
3. ¿Ti mbäät nduˈunëm parë nimayë jäˈäy nwoˈojëm?
3 Pën tuˈugë naymyujkën kajaa tmëdatyë it lugäär mä yˈëwäˈkx kyäjpxwäˈkxtë, mbäät ja mëjjäˈäytyëjk tnigajpxy ets yajnikaˈagët ja neky ko jäˈäy kyayajpäädët, per oy ko nbëjktakëm mä mbäät ja jäˈäy tpääty. Nˈokwoˈojëm pënaty ogäˈän të nguˈijxëm, jiiky mëguˈuk, diˈib mëët nˈeskuelëˈäjtëm, diˈib mëët nduˈunëm o pënaty nˈixyˈäjtëm. Ets sääbëdë domingë nan mbäät ngëyäjkëmë rebistë pën nˈijxëm ko jäˈäy yˈoymyëdoopy. ¿Tiko xykyatuknibëjktäägë ets mdunët prekusoor ausilyaar parë niˈigyë xyajmëjwindëkët ja Diosë tyuunk?
4. ¿Tiko ntsojkëm ets nyëjkxtëdë jäˈäy mä yajjamyatsäˈänyë Jesusë yˈoˈkën xëë?
4 ¡Mëjwiin kajaa tijaty tnijawëyäˈändë pënaty nëjkxtëp! Jap tmëdowäˈändë ko Jyobaa mëjwiin kajaa xyjantsy tsyojkëm ko të xyjuˈuybyëtsëˈëmëm (Fwank 3:16). Tnijawëyäˈändë wiˈixë Diosë yˈAnaˈam Kyutujkën tpudëkëyaˈanyë naxwinyëdë jäˈäy (Isa. 65:21-23). Nan yaˈˈanëëmëyandëp ets pën yˈëxpëkandëbë Biiblyë, waˈan tˈanëëmëdë ja diˈib të myoˈoyëdë lyugäär. Yajninuˈkxtakëdëp pënaty niˈigyë myëwingonandëbë Jyobaa parë nyëjkxtët mä yajjamyatsäˈänyë Jesusë yˈoˈkën xëë.