¡Nˈokwoˈojëmë jäˈäy mä Jesusë yˈoˈkën xëë yajjamyatsäˈäny!
1. ¿Ti jawyiin yajtunäämp naxwinyëdë abëtsemy mä tkapäätynyëmë Jesusë yˈoˈkën xëë?
1 Jesus ojts tniˈanaˈamë: “Tundë dëˈën esëts xyjamyatstët” (Luk. 22:19). Pääty nduˈukmukäˈänëm mëdë may jyaˈay diˈib tsyojkënyˈäjttëbë Diosë yˈayuk parë njamyatsäˈänëmë Jesusë yˈoˈkën xëë, 30 äämbë marsë 2010. Per jawyiin nyajwäˈxäˈänëmë neky naxwinyëdë abëtsemy mä jäˈäy yajwowäˈäny, 13 äämbë marsë axtë 30 äämp.
2. ¿Wiˈix mbäät ngëyäjkëm ja neky mä jäˈäy nwowäˈänëm?
2 ¿Wiˈix yajkëyakäˈäny? Mbäädë jäˈäy xymyoˈoy ja neky parë tˈixët ja dibujë ets ta net xyˈanëëmët: “Jats nduˈukmukäˈändë miyonkˈam naxwinyëdë abëtsemy 30 äämbë marsë, parëts njamyatsäˈändë Jesusë yˈoˈkën xëë. Tyäˈädë neky yëˈë mä myajwoy mëdë mfamilyë ets nan mbäät nyëjxtë mmëtnaymyaayëbë, yä tnigajxy ti oorë tsyondäˈägäˈäny ets mää tyunäˈänyëty”. Pën madakëm, mbäät ndukwingugäjxëmë Lukʉs 22:19 mä wiˈixë Jesus ojts tniˈanaˈamë. Per nˈokjamyajtsëm ko waanë jeˈeyë tiempë nmëdäjtëm parë nyaˈˈabëtsëˈëmëm ja it lugäär, pääty oy ko waanë nmëtmaytyakëm.
3. ¿Pënaty mbäät nwoˈojëm?
3 Pën ja naymyujkën kajaa tmëdaty ja it lugäär mä kyäjxwäˈxtë, ta mëjjäˈäytyëjk tnigäjxët pën yajnikaˈagëp ja neky ko jäˈäy kyayajpäädët. Ets mä jäˈäy nmoˈoyëmë rebistë, mbäät nanduˈun nmoˈoyëm ja neky mä nwoˈojëm. Min nˈoktuknibëjtakëm parë nwoˈojëm pënaty ogäˈän të nijëmbijtëm, pënaty mëët nˈëxpëjkëmë Biiblyë, pënaty nˈixyˈäjtëm, jiiky mëguˈuk, mëdëjkpäˈä ets diˈib mëët nˈeskuelëˈäjtëm o nduˈunëm.
4. ¿Ti nëjx nduˈunëm pën nmëjjäˈäjëm ko Jyobaa të xyjuˈuybyëtsëˈëmëm?
4 Tuknibëjtäägë ets mëjwiin kajaa mdunët. Tadë xëë poˈo mä yajjamyetsyë Jesusë yˈoˈkën xëë, ja mbäät niˈigyë nduˈunëm. ¿Mbäät xytyukniwitsë mdiempë parë mdunët prekusoor ausilyaar? ¿Mˈijxypy ko wimbajttëbë mˈuˈunk mˈënäˈk o pënaty myaˈëxpejkypy? Pën duˈun, mmaytyäˈäk mëdë mëjjäˈäytyëjk parë tˈixtët pën mbäät tyundë extëmë käjxwäˈxpë diˈib kyajnëm nyëbety, ets mëët nduˈunëm mä tyäˈädë neky nyajwäˈxäˈänëm. Nmëjjäˈäjëmë naty ko Jyobaa të xyjuˈuybyëtsëˈëmëm ko nëjxëm mä yajjamyatsäˈänyë Jesusë yˈoˈkën xëë ets ko nwoˈojëmë jäˈäy nääk ndimpatëm (Fwank 3:16).