Ja ogäˈänë jäˈäy yajwowäˈäny 22 äämbë marsë

Mä tyäˈädë jëmëjt, ja ogäˈänë jäˈäy yajwootsondäˈägäˈäny sääbëdë 22 äämbë marsë parë nyëjkxtët mä yajjamyatsäˈänyë Jesusë yˈoˈkën xëë. Niˈamukë nyaˈˈanmäˈäyëm parë nwoˈojëmë jäˈäy. Nˈokˈijxëm nanduˈun pën sääbëdë domingë mbäät nˈawäˈänëmë rebistë. Mä tim jawyiimbë sääbëdë diˈib abril, yëˈëyë nyajwäˈkxäˈänëmë inbitasyonk, kyaj parë jäˈäy nyaˈëxpëjktsondakëm. Per pën jamë jäˈäy nbatëm diˈib jyantsy yˈoymyëdoobyë Diosë yˈayuk, mbäät nyaˈëxpëjktsondakëm. Diˈib yˈijxypy wiˈix ngäjpxwäˈkxëm, yëˈë nyigäjpxëp pën nyajwäˈkxëmë inbitasyonk mä mayë jäˈäy nyax tyëkëdë parë mas nimay yajmoˈoyët. Nˈokkujäˈäyëm pënaty nwowäˈänëm, extëmë jiiky mëguˈuk, diˈib mëët nduˈunëm o nˈeskuelëˈäjtëm, jäˈäy diˈib yˈoymyëdoobyë Diosë yˈayuk o pënaty nˈixyˈäjtëm, nˈokmoˈoyëm tuˈugë inbitasyonk ko nety yajwootsondaˈagyë jäˈäy. Nˈawijx njëjpˈijxëm ets nimayë jäˈäy xyjamyëdäjtëm mä yajjamyatsäˈäny wiˈixë Jyobaa mëdë Jesus dyaˈijxëdë mëjwiin kajaa tsojkën (Fwank 3:16; 15:13).