¿Tiko ngawoˈojëm?

Mä kanäägë naymyujkën mayë nmëguˈukˈäjtëm kyaj nyekynyëjkxtë käjpxwäˈkxpë mët ko pyëk yˈixëdë o mët ko të myëjjäˈäyëndë (2 Kor. 4:16). Pën mä naymyujkën japë nmëguˈukˈäjtëm diˈib duˈun yaˈijx yajpattëp, ¿tiko ngawoˈojëm parë nëjkx mëdë jäˈäy nyaˈëxpëjkëm? Pën tuˈugë nmëguˈukˈäjtëm kyaj mbäät tsyoony mä tyëjk, ¿tiko jam ngawoonëjkxëm ja diˈib nyaˈëxpëjkëm? Oy ko näˈäganäˈäty nwoˈojëmë nmëguˈukˈäjtëm diˈib pëjkëp parë waanë mëët nëjkx ngäjpxwäˈkxëm o nnijëmbijtëm tuˈuk majtskë jäˈäy diˈib yˈoymyëdoojë Diosë yˈAyuk. Yëˈë nmëguˈukˈäjtëm diˈib të myëjjäˈäyëndë jeky kujk Dios mëdundë, pääty ko mëët nëjkxëm tëjkˈayeˈebyë mbäät mëjwiin kajaa xytyukniˈˈijxëm (Rom. 1:12). Mbäät nˈijtëm seguurë ko Jyobaa mëjwiin kajaa xykyunuˈkxäˈänëm ko nbudëjkëmë nmëguˈukˈäjtëm ets ko ntsojkëm (Prov. 19:17; 1 Fwank 3:17, 18).