Jat wiˈix oy xytyunëdë Diosë tyuunk: ko xytyukniˈˈixët ja diˈib myaˈëxpëjkypy wiˈix kyäjpxwäˈkxët

Tiko jyëjpˈamëty. Pënaty jemy tëjkëp käjpxwäˈkxpë, tsojkëp tmëmëdowdët “tëgekyë” diˈibë Jesus nyiˈanaˈamë, ets tuk pëky, yëˈë ets tyukniˈˈixëdët ja tëyˈäjtën (Mat. 28:19, 20). Nimay diˈib nyaˈëxpëjkëm, të yajkujäˈäyëndë mä Yajniˈëxpëkë Diosë Tyuunk ets waˈan tmëtmaytyäˈäktë fyamilyë etsë myëtnaymyaayëbë. Wanaty wanaty myëjwindëkëyäˈändë tsyojkën mä tijaty yˈëxpëjktëp, ets ko tjaygyukëdët ko Jyobaa tsyejpy ets niˈamukë jäˈäy tnijawëdët ja oybyë ayuk, ta net këˈëm jyënäˈänäˈändë ko nëjkxandëp käjpxwäˈkxpë (Rom. 10:13, 14). Ko nety të yajkupëky parë nyëjkxët käjpxwäˈkxpë mëdë nmëguˈukˈäjtëm, ta net yajpudëkëyäˈändë parë kyaj tsyëˈëgëdët (Luk. 6:40).

Wiˈix nduˈunëm:

Pudëkë ja diˈib jemy tëjkëp käjpxwäˈkxpë parë dyajkäˈpxtäˈäyët ja ëxpëjkpajn diˈib yajtunaampy mä kyäjpxwaˈkxy ets mä yaˈëxpëky. Tukˈix ja mbolsë o mbortafolyë wiˈix të xymyäˈkxtäˈäy ja ëxpëjkpajn ets tukmëtmaytyäˈäk wiˈix tyuny tuˈuk tuˈuk.
Ëxtäˈäytyë mä Wiˈix nduˈunëmë Diosë Tyuunk wiˈix mbäädë jäˈäy yajmëtmaytyaˈaky ets tuundäˈäktë. Yajtun nanduˈunë liibrë Benefíciese pajina 82 mä tnigajpxy wixatyë jäˈäy nmëtmaytyakëm mä territooryë. Pudëkë parë tnimaytyäˈägët mëdë kyëˈëm ää kyëˈëm ayuk. Tukjamyats ko nan jëjpˈam ets oy nyayxyoxëdët (2 Kor. 6:3, 4).
Per akˈyajpudëkëyäämp. Tukˈix ja tarjetë mä yajkujayë territooryë ets wiˈix ngujäˈäyëm ko nëjkxëm tëjkmdëjkm. Nan tukniˈˈixë parë tkujayët ko tpäädët tuˈugë jäˈäy diˈib yˈoymyëdoobyë Diosë yˈayuk. Tukˈix wiˈix dyajtunëdë jw.org etsë foyetë Buenas nuevas para gente de todas las naciones. Anëëmë parë tnijëmbitët ja jäˈäy diˈib yˈoymyëdoopy (1 Kor. 3:6).
Mëmaˈkxtuk ets anëëmë ko jantsy oy tyuny (Prov. 25:11). Mmoˈoyë oybyë ijxpajtën. Ja diˈib jemy tëjkëp käjpxwäˈkxpë kyaj tjäˈäytyëgoyaˈany ko tsuj yajxon xypyudëkë ets wiˈix xytyukxondaˈagyë Diosë tyuunk.

Tiko duˈun xykyatuny mä tyäˈädë poˈo:

Käjpxwäˈkx tëjkmdëjkm mët ja diˈib myaˈëxpëjkypy ets woownëjkx mä jäˈäy xynyijëmbity o xyaˈëxpëky. Pën tyam kyaj xyaˈëxpëky diˈib jemy tëjkëp käjpxwäˈkxpë, wow tuˈugë nmëguˈukˈäjtëm diˈib näämnëm tëjkëp käjpxwäˈkxpë.