Tukniˈˈixëdë parë xëmë tmëdundëdë Jyobaa

Të yaˈixy ko tuˈugë jembyë publikadoor tim ogäˈän yajtukniˈˈixë parë xëmë kyäjpxwäˈkxët ets ttukxondäˈägët, ta duˈun xëmë ttuny (Prov. 22:6; Filip. 3:16). Min nˈokˈijxëm tuk pëky majtsk pëky wiˈix mbäät xypyudëkë ja diˈib myaˈëxpëjkypy parë oy tyuuntsondäˈägët:

• Tukniˈˈijxëtsyondäˈäk ja diˈib myaˈëxpëjkypy jantsy jeˈeyë nyaxët publikadoor (km 8/15 paj. 1). Tukniˈˈixë ko jëjpˈam ets sëmään sëmään nyëjkxët käjpxwäˈkxpë (Filip. 1:10, TNM). Xëmë oy xynyimaytyäˈägët ja lugäär mä mgäjpxwaˈkxy (Filip. 4:8). Anëëmë parë nanduˈun nyëjkxët käjpxwäˈkxpë mët ja diˈib nyikëjxmˈäjtypyë grupë etsë wiinkpë nmëguˈukˈäjtëm parë tjatët wiˈixë wiinkpë kyäjpxwäˈkxtë (Prov. 1:5; km 10/12 paj. 6 parr. 3).

  

• Ko nety të nyëbajnë ja diˈib myaˈëxpëjkypy, duˈunyëm xypyudëkët ets xytyukniˈˈixët wiˈix ttuunëdë Diosë tyuunk, ets mas pën yëˈë mˈakˈëxpëjktëbë liibrë “Diosë tsyojkën” (km 12/13 paj. 7).

  

• Wingëjxyë jäˈäy xymyëtmaytyäˈägët ko mgäjpxwäˈkxët mët ja jembyë publikadoor. Ets ko nety ja jäˈäy të tmëtmaytyaktäˈäy, anëëmë ko oy të ttuny. Nan anëëmë ti mbäät tˈaktuny parë mas oy kyäjpxwäˈkxët (km 5/10 paj. 7).