Jat wiˈix mas oy xytyunëdë Diosë tyuunk: pudëkë ja diˈib mëët mgäjpxwaˈkxy

¿Tiko jyëjpˈamëty? Jesus nyijäˈäwëbë nety nuˈunën jyëjpˈamëty ko ngäjpxwäˈkxëm mët tuˈugë jamyëët. Pääty ko jawyiin tkejxy käjpxwäˈkxpë ja yˈëxpëjkpë 70, ja ojts tkexy nimajtskaty (Luk. 10:1). Mbäät nbudëjkëm ja nmëguˈukˈäjtëm, pën jam ti tsyiptakxëty o pën kyaj yajxon tnijawë wiˈix tˈatsoojëmbitëdë jäˈäy (Ecl. 4:9, 10). Nan mbäät ndukmëtmaytyakëm ti diˈib xypyudëjkëm o nˈanmäˈäyëm wiˈix mbäät mas oy ttuunë Diosë tyuunk (Prov. 27:17). Ets nan mbäät nmëjämoˈoyëm ko ndukxondakëmë Diosë tyuunk myentrës nëjkxëm mä jatuˈugë tëjk (Filip. 4:8).

Wiˈix nduˈunëm:

Kyaj wiinktsoo mjot mwinmäˈäny xypyëjtäˈägët myentrës ja mmëguˈuk myaytyaˈaky (Sant. 1:19). Pën jam tkajpxy tuˈugë tekstë, paˈix mä mBiiblyë. Net mbäät xypyudëkë ko dyajtëgoyˈatëdë naybyudëkë.
Winmay jawyiin pën oy ko mgajpxytyuktëkët ets näˈä (Prov. 25:11). Pën mjamyëdäjtypy tuˈugë nmëguˈukˈäjtëm mä jäˈäy dyaˈëxpëky, oy nyayjawëyaˈanyëty ko nanduˈun xyˈaknipiw xyˈaknikonët ja maytyaˈaky. Per mä ngäjpxwäˈkxëm tëjkmdëjkm, mbäät ja nmëguˈukˈäjtëm wiink nyayjawëty ko ngajpxytyuktëjkëm mä tmëtmaytyaˈagyë jäˈäy. Per pën näämnëm tyëkë käjpxwäˈkxpë o kyaj yajxon tnijawë wiˈix tˈatsoojëmbitëdë jäˈäy o ti tyunëp ko jyëjpkugäjpxëdët, mbäät tmëjjawë ko nbudëjkëm. Pën njamyëdäjtëmë nmëguˈukˈäjtëm mä ngäjpxwäˈkxëm tëjkmdëjkm, mä tnijëmbity jatëgokë jäˈäy o mä dyaˈëxpëky, oy ko kyaj ngajpxypyojtëm, nyajtëgäjtsëm ti myaytyakypy o nˈawindumbëjkëm ja maytyaˈaky.
Kyaj xyjëjptsëˈëk xyjëjpjawët xyˈanëëmët ja mmëguˈuk diˈib mëët mgäjpxwaˈkxy wiˈix mbäät mas oy ttuunë Diosë tyuunk, tukmëtmaytyäˈäk ti të mbudëkëty (Prov. 3:27). Ëxtäˈäyë winmäˈäny näˈä mbäät xyajtëy: “¿Wiˈix të xymyëdoy të nmëtmaytyakëmë tadë jäˈäy?”, “¿Mbäät nmoˈoy tuˈugë käjpxwijën?” o “¿Mnijäˈäwëp tijëts nduumpy kojëts duˈun njaty?”. Yaˈit mwinmäˈänyoty ko ja mmëguˈuk myëjjawëyaampy ko xymyoˈoyët tuˈugë käjpxwijën, per mbäät axëëk xyajnayjawëty pën janääm jatsojk xytyukmëdoy mäjaty të tyëgoy.

Tiko duˈun xykyatuny mä tyäˈädë poˈo:

Ko nety të mgäjpxwaˈkxy mët tuˈugë nmëguˈukˈäjtëm, anëëmë wiˈix të mbudëkëty extëm ja jäˈäy të tmëtmaytyaˈaky o ti të ttuny.