Diˈib nnayajtëˈëwëm

◼ ¿Ti tsojkëp yajtukniˈˈixëdë uˈunk ënäˈk parë wyimbattët mä Diosë jyaˈa?

Mëjwiin kajaa tääk teety tyundë parë yˈuˈunk yˈënäˈk ttukniˈˈixëdë Jyobaa nëˈë tyuˈu (Efes. 6:4, Traducción del Nuevo Mundo). Extëm nˈokpëjtakëm, jopy jopy tkäjpxtë foyetë Examinando mët ko tˈixtë ko pudëjkëdëp. Ko Diosˈawdattë näägë familyë, ta tˈixtë tuˈugë bideo ets tnimaytyäˈäktë o tˈëxpëktë artikulo diˈib miimp mä Los jóvenes preguntan, tˈadunaxtë diˈib yajmaytyakp mä Biiblyë o ttuundäˈäktë diˈib të tˈëxpëktë. Nan tsojkëp yajtukniˈˈixët ja uˈunk ënäˈk ja tëyˈäjtënë këkatypyë parë wyimbattët mä Diosë jyaˈa (Eb. 6:1).

Okwinmay tijatyë jäˈäy ndukniˈˈijxëm. Ko tim ogäˈän ninëjkxëm, yëˈë mëët nˈëxpëjktsondakëmë liibrë ¿Ti tëyˈäjtën jantsy tukniˈijxëbë Biiblyë? Ets ko nyajkëjxëm, ta mëët nˈëxpëjkëmë liibrë “Nayaˈitëdë xëmë mä ja Diosë tsyojkën”. ¿Tiko duˈun nduˈunëm? Yëˈko ko mëët nˈëxpëjkëmë liibrë ¿Ti tukniˈijxëbë Biiblyë?, ta jäˈäy tnijawë tijaty wingëjxy tukniˈˈijxëbë Biiblyë, etsë liibrë “Diosë tsyojkën”, yëˈë pudëjkëp parë tkuytyunët ja käjpxwijën diˈib yajpatp mä Biiblyë. Tyäˈädë majtskpë liibrë, yëˈë pyudëjkëbë jäˈäy parë niˈigyë dyajkëktëkët ja myëbëjkën ets parë mëk yˈitët “extëm tuˈugë kepy mëkë yˈääts [tyikts] yaˈityëty” (Kol. 2:6, 7). Pën duˈun nˈëxpëjkëm mëdë jäˈäy, ¿këdii oyxyëp ko nanduˈun nˈëxpëjkëm mëdë uˈunk ënäˈk? Jëjpˈam ets tnijawëdët wiˈix të nyajjuˈuybyëtsëˈëmëm, wiˈix yajpäättë oˈkpë ets tidën yˈandijpy Diosë Kyutujkën. Nan tsojkëp tnijawëdët tiko Dios tnasˈixë ayoˈon ets wiˈix nnijäˈäwëm ko yëˈë ndukjukyˈäjtëm ja tiempë diˈib jëjpkëxanëp. Tsojkëp yˈittët seguurë ko tyäˈädë relijyonk diˈib ndukˈijtëm, yëˈë duˈun tëyˈäjtën, tjaygyukëdët ja käjpxwijën diˈib yajpatp mä Biiblyë ets ttukmëyujtëdë wyinmäˈäny parë tmëwinmäˈänybyäättët diˈibë oy ets diˈibë axëëk (Eb. 5:14). Tääk teety tsojkëp tˈixtët nuˈunën ja yˈuˈunk yˈënäˈkë xyëë jyëmëjt ets nuˈun tijaty tjaygyukëdë. Per mayë uˈunk ënäˈk oy myutsknëmëty, jyaygyujkëdëbë tëyˈäjtënë këkatypyë diˈib yajpatp mä Biiblyë (Luk. 2:42, 46, 47).