Mëjwiin kajaa jyaˈˈatäˈänyë tuunk agostë
Nyajwäˈkxäˈänëm tuˈugë jembyë trataadë abëtsemy nyaxwinyëdë
1. ¿Ti tuunk yajtunäämp abëtsemy nyaxwinyëdë mientrës tpääty ja tiempë mä yˈabatäˈäny mëgoˈpx jëmëjt mä Diosë Kyutujkën nyaxkëdaky?
1 Pyatypy ja tiempë mä yˈabatäˈäny mëgoˈpx jëmëjt mä Diosë Kyutujkën nyaxkëdaky jam tsäjpotm. Pääty yˈoyëty ets agostë nyajmëjpëtsëˈëmëmë Jyobaa mä nyajwäˈkxäˈänëmë jembyë trataadë abëtsemy nyaxwinyëdë diˈib xëˈäjtp ¿Pën mbäät tˈatsoojëmbity tijaty nmëmäˈäy nmëdäjëm mä jukyˈäjtën? Tyäˈädë trataadë, yëˈë pyudëkëyaambyë jäˈäy parë tˈëxtäˈäyët mä Biiblyë wiˈix yaˈˈatsoojëmbity tijaty myëmääy myëdajpy ets nan nyimaytyakypy wiˈix mbäät pyudëkëtyë sitio diˈib nmëdäjtëm mä Internet jw.org.
2. ¿Ti mbäät nduˈunëm agostë parë mas niˈigyë nmëjkumäˈäyëmë Jyobaa?
2 Nˈokmëjkumäˈäyëm mas niˈigyë Jyobaa. Parë nmëguˈukˈäjtëm diˈib të nyëbajnëdë dyajmëjwindëkëdët ja Diosë tyuunk, të yajtuknibëjtäägë ets tkëyaktët 30 oorë pënaty tunandëp prekursoor ausilyaar agostë. Tyäˈädë poˈo, ja tmëminy mëgoxkë sääbëdë etsë domingë, pääty mbäät nimayë nmëguˈukˈäjtëm tyundë prekursoor ausilyaar diˈib tuundëp xëëˈam o diˈib eskuelëˈäjttëp. Pën mˈijxypy ko mbäät tyuunë käjpxwäˈkxpë tuˈugë jäˈäy diˈib myaˈëxpëjkypy o mˈuˈunk mˈënäˈk, mmëtmaytyäˈäk tim tsojk ja mëjjäˈäy diˈib tijaty tyukniwijtsëp mä mëjjäˈäytyëjk. ¡Jantsy jotkujk nyayjawëyäˈänëdë ko tyëkëdët tuumbë mä tyäˈädë poˈo, mä niˈigyë Diosë tyuunk nyajmëjwindëkëyäˈänëm! Mayë prekursoor regulaar pyoˈkxtë agostë mët ko të dyajkäˈpxtë yˈoorë diˈib yäjktëp tuk jëmëjt, per tyam mbäät ttukniwitsëdë parë mas niˈigyë tyundët mä wyäˈkxäˈänyë trataadë. Ets desde tyam, mbäädë familyë ttukniwitsëdë tijaty tyunandëp parë mas niˈigyë tmëjkumaytyëdë Jyobaa agostë (Esd. 3:11; Prov. 15:22).
3. ¿Ti yaˈˈawijxp nduˈunëm agostë?
3 Mä tiempë të nyaxy, të duˈun nˈoktuˈunëmbë, per agostë yaˈˈawijxp ets mas niˈigyë nduˈunëm extëm ninäˈänëm. ¿Waˈandaa niˈigyë yajkëyakäˈänyë oorë, nyimayëyaˈanyë käjpxwäˈkxpë etsë prekursoor ausilyaar? Mientrës jyëjpkëxyë jëmëjt agostë 2014, ¡waˈanë Jyobaa tkunuˈkxy ja tuunk diˈib abëtsemy nyaxwinyëdë yajtunäämp agostë, mä ndunäˈänëm extëm ninäˈänëm duˈun ngatuˈunëm! (Mat. 24:14.)