Wiˈix nimaytyakëmë jëmëjt 1914
Biiblyë xyˈanmäˈäyëm parë nitsiptuˈunëm tijaty nmëbëjkëm, per “mëdë yuunkˈat naxypyˈat ets mëdë mayˈäjt wintsëˈkën” (1 Ped. 3:15, Traducción del Nuevo Mundo). Tsip nnimaytyakëm näägë tukniˈˈijxën diˈib këk yajmaytyakp mä Biiblyë, extëm ko nmëbëjkëm ko 1914 tyëjkë tuumbë Diosë yˈAnaˈam Kyutujkën. Parë njäjtëm nimaytyakëm, të pyëtsëmy majtskë artikulo diˈib xyëˈäjtypy: “Tuˈugë jäˈäy myaytyaˈaky mëdë Jyobaa tyestiigë: ¿Näˈä tyëjkë tuumbë Diosë yˈAnaˈam Kyutujkën?”. Tyäˈädë majtskpë artikulo myiny mä rebistë Diˈib Xytyukˈawäˈänëm nobiembrë-disiembrë ets eneerë-febreerë diˈib yajkëyakäämp mä ngäjpxwäˈkxëm. Ko xykyäjpxët, pawinmayë tyäˈädë yajtëˈëwën diˈib yä miimp mä wiˈix ja nmëguˈukˈäjtëm Julio ojts dyajtuˈuwitsy ja maytyaˈaky.
¿Wiˈix...
... tmëjkumääy ja jäˈäy ets ttukmëtmaytyaky diˈib nyijawëyaampy? (Apos. 17:22.)
... tnimaytyaky tijaty myëbëjkypy ets kyaj nyayajnäjxë ko yëˈë niˈigyë tijaty tnijawë? (Apos. 14:15.)
¿Tiko yˈoyëty ko...
... jawyiin ttukˈajamyajtsë ti nety mëët të tmaytyaˈaky mä wiinkpë tkamaytyaktëkë?
... näˈäganäˈäty dyajtëëyë Ernesto pën jyaygyujkëp tijaty tyukmëtmaytyakypy?
... jatëgok tnijëmbijty parë tˈaktukmëtmaytyaktääy? (Fwank 16:12.)
Mëjwiin kajaa nmëjjäˈäwëm ko Jyobaa xyaˈëxpëjkëm ets xypyudëjkëm parë ndukmëtmaytyakëm pënaty nyijawëyandëp ja tëyˈäjtënë këkpë (Is. 30:20).