Nˈoknayjëjpˈijxëm mä yajjamyatsäˈänyë Jesusë yˈoˈkën xëë

Ja nety 13 yˈanyë nisán mä jëmëjt 33, etsë Jesus nyijäˈäwëbë nety ko jäˈäy yaˈoogäˈänyëty ets kyaj mëët nyekytyuˈukmukäˈäny ja myëtnaymyaayëbëty. Ta ttukniwinmäˈäyë tˈaktunäˈändë ja Paskë diˈibë nety nitëgatsäämp mëdë nWintsënˈäjtëmë yˈAˈux. Kom jëjpˈamë netyë tyäˈädë xëë, ta tkejxyë Pedro mëdë Juan parë nëjkx nyayjëjpˈixëdë (Luk. 22:7-13). Desde mä tadë tiempë, jëjpˈam etsë Dios mëduumbë nyayjëjpˈixëdët ko yajjamyetsyë Jesusë yˈoˈkën xëë (Luk. 22:19). Min nˈokˈijxëm ti tsojkëp nduˈunëm parë nnayjëjpˈijxëm mä tkapäätynyëm 3 äämbë abril.

Tijaty mbäät ttundë mëjjäˈäytyëjk:

Twinmaytyët pën yëˈë yajtunandëp ja Tëjk mä nˈëxpëjkëm o wiinkpë lugäär mä jyapëty mayë unyaaybyajn, mä tyëkë tëˈkx jäjjën etsë poj. Ttukniwitsët kontiempë parë yajxon wyäˈätsët ja lugäär mä yajjamyatsäˈänyë Jesusë yˈoˈkën xëë.
Twinˈixtët tuˈugë nmëguˈukˈäjtëm diˈib oy diskursaräjtp ets nanduˈun diˈib yajtsondäˈägëp. Nanduˈun twinˈixtët pën nuˈkxtäˈägëp mä nyaxyë tsäjpkaaky etsë binë.
Pën kyaj jeˈeyë tëgok tyunäˈäny ja lugäär, ta yajxon ttukniwitsëdët ti ooraty tsyondäˈägët ets kyëxët parë wiinkpë tyëkëdët ets nanduˈun tˈixtët mä karrë nyijäjtpety.
Twinˈixtët pënaty ja jäˈäy myoˈoyandëbë lyugäär ets pënaty yajnaxandëbë tsäjpkaaky etsë binë.
Tˈixtët ja tsäjpkaaky etsë binë diˈib mbäät tyuny, tˈixtët ja texy, kopë, tuˈugë meesë etsë wyinˈyaˈap diˈib oy këxëˈëgëp parë tadë xëë.

Tijaty mbäät nduˈunëm niˈamukë:

Nduˈunëmë mëjää parë niˈigyë jäˈäy nwoˈojëm mä yajjamyatsäˈänyë Jesusë yˈoˈkën xëë.
Ngujäˈäyëm pënaty nwowäˈänëm mä yajjamyatsäˈänyë Jesusë yˈoˈkën xëë, extëm pënaty mëët nˈëxpëjkëmë Biiblyë, jiiky mëguˈuk, pënaty mëët nduˈunëm o nˈeskuelëˈäjtëm ets pënaty nˈixyˈäjtëm.
Ngäjpxëmë tekstë diˈib yajkäjpxp ko tpäätyë Jesusë yˈoˈkën xëë ets nbawinmäˈäyëm diˈib ngäjpxëm.
Nˈagëˈë nˈaxäjëm pënaty miimp mä yajjamyatsäˈänyë Jesusë yˈoˈkën xëë.