¿Jam ogäˈän mnayjyëjpˈijxënë mä yajjamyatsäˈänyë Jesusë yˈoˈkën xëëw?

Mëjwiin kajaa nyikejy ja Paskë diˈibë Jesus yˈaktuun. Kom tim tsojkë nety yˈooganë, pääty tˈaktunany mët ja yˈapostëlëty, ets ja mä ojts tniˈanaˈamë yajtunët ja nWintsënˈäjtëmë yˈAˈux. Ta tˈanmääy ja Pedro mëdë Juan parë nëjkx tniˈˈixëdë ja lugäär (Luk. 22:7-13; ixë dibujë mä tsyondaˈaky). Tyäˈädë yëˈë xytyukˈijxëm ko jëjpˈam ets nenduˈun nnayjyëjpˈijxëm mä njamyatsäˈänëmë Jesusë yˈoˈkën xëëw 27 äämbë marsë. Tsojkëp kontiempë yaˈixët extëm pën yajnaxëp ja diskursë, pën myënëjkxëp ja tsäjpkaaky ets ja binë. ¿Per ti mbäät nduˈunëm niduˈuk niduˈuk parë nnayjyëjpˈijxëm mä tadë xëëw?

Nˈokˈëxkujkëm ja jot korasoon. Nˈokpawinmäˈäyëm ja tekstë diˈib yajkäjpxp mä yajjamyetsyë Jesusë yˈoˈkën xëëw, diˈib miimp mä foyetë Nˈokˈëxpëjkëmë Diosë jyaaybyajtën tuˈuk tuˈugë xëëw. Nan tap myiny tuˈugë programë mä foyetë Naybyudëkë parë nˈëxpëjkëmë Diosë yˈAyuk sección 16 ets mä Wiˈix njukyˈäjtëm ets nDiosmëduˈunëm abril 2020. Pën mˈëxpëkandëp tuk familyë nuˈunën jyëjpˈamëty ko Jesus ojts xyjuuybyëtsëˈëmëm, mbäät xypyayeˈey mä Índice de las publicaciones Watch Tower ets mä foyetë Naybyudëkë parë tijaty tpayoˈoytyëdë Jyobaa tyestiigëty.

Nˈokwoˈowëmë wiinkpë. Nˈoktuˈunëm nuˈun nmadakëm mä yajwowäˈänyë jäˈäy mä Jesusë yˈoˈkën xëëw. ¿Pënaty mbäät nwoˈowëm? Diˈib mëët të nˈokˈëxpëjkëmbë Biiblyë, diˈib kanäkˈok kujk nmëtmaytyakëm, jiiky mëguˈuk o pënaty nˈixyˈäjtëm. Pënaty tuundëp mëjjäˈäy yëˈë wyowandëp ja diˈib kyaj yˈokkäjpxwäˈkxnëdë. Pën jagam tsyëënë diˈib nwowäˈänëm, mbäät xyˈixy mä jw.org. mä wingon tyunäˈänyëty ets ti oorë. Tëkë mä jyënaˈany MÄJËTS NYAJNIMAYTYÄˈÄKTË ta net “yajjamyetsy”.

¿Ti mbäät xyˈaktuny parë mnayjyëjpˈixëdët?