Nˈokˈyajtuˈunëm yajxonë tiempë mä ngäjpxwäˈkxëm
Mä të tyuˈuyoˈoyë jëmëjt septiembrë 2013 axtë agostë 2014, ja yˈoorë të tkëyaktë Jyobaa tyestiigëty 1,945,487,604. Tyäˈädë yëˈë xytyukˈijxëm ko të ja jot winmäˈäny nbëjtakëm parë niˈigyë Jyobaa nmëduˈunëm (Sal. 110:3; 1 Kor. 15:58). Kom “waanë jeˈeyë nˈakmëdäjtëm ja tiempë”, ¿mbäät niˈigyë jäˈäy nmëtmaytyakëm ko nëjkxëm käjpxwäˈkxpë? (1 Kor. 7:29.)
Parë yajxonë tiempë nyajtuˈunëm, tsojkëp nyajtëgäjtsëm extëmë nety të ndukniwijtsëm ngäjpxwäˈkxäˈänëm. Extëm nˈokpëjtakëm, pën xëmë nyajnäjxëmë tiempë tuk oorë o niˈigyë mä ndëjkˈayoˈoyëm ets kyaj pën nbatëm, ¿ti mbäät nduˈunëm? Min nˈokˈijxëm ti mbäät xypyudëjkëm parë yajxonë tiempë nyajtuˈunëm ets kyaj nyajtëgoˈoyëm, pes tëgatsy tuˈuk tuˈugë lugäär (1 Kor. 9:26).
Ko ngäjpxwäˈkxëm tëjkmdëjkm. Nuˈun kujkë xëë tiempë nyaxy, mayë nmëguˈukˈäjtëm të tkostumbrëpëktë ko ja dyajtsondäˈäktë ja tuunk ko tyëkëdë käjpxwäˈkxpë tëjkmdëjkm. Per oyxyëp ko ndukniwijtsëm parë tsuu o uxëp ngäjpxwäˈkxëm tëjkmdëjkm, pes jaa mä mayë jäˈäy jyäjnëdë ets pyoˈkxnëdë diˈib xëëˈam ojts të tyundë. Nan mbäät yˈoybyëtsëmy ko jopyëp ngäjpxwäˈkxëm nëˈääy tuˈääy o mä jäˈäy jyuy tyooktë.
Ko ngäjpxwäˈkxëm mä mayjyaˈay yajpääty. Yëˈë yajnaskëˈëyëbë meesë etsë karruˈunk mä mayë jäˈäy nyaxtë, per ja mä territooryë nmëdäjtëm (ix Wiˈix nduˈunëmë Diosë Tyuunk diˈib julië 2013 pajina 5). Pën ja näˈä kyaj mayë jäˈäy nyekynyaxtë mä ja lugäär, ta ja mëjjäˈäytyëjk diˈib yˈijxtëp wiˈix ngäjpxwäˈkxëm, dyajtëgatsët ja lugäär ets tmënëjkxtët mä mayë jäˈäy nyaxtë.
Ko nnijëmbijtëmë jäˈäy ets ko nyaˈëxpëjkëm. Pën kyaj pën nbatëm mä ndëjkˈayoˈoyëm, oy ko nnijëmbijtëmë jäˈäy diˈib të tˈoymyëdoyë Diosë yˈayuk o ninëjkxëm ja diˈib nyaˈëxpëjkëm. Extëm nˈokpëjtakëm, pën sääbëdë jopy nbatëmë jäˈäy ko ngäjpxwäˈkxëm tëjkmdëjkm, mbäädë net tsuu o ko kyootsënë ninëjkxëm pënaty nyaˈëxpëjkëm. Ets ko nnijëmbijtëm jatëgokë jäˈäy, mbäät ndukniwijtsëm parë nanduˈun ninëjkxëm pënaty nyaˈëxpëjkëm diˈib jamyë tsënääytyëp, ets duˈun niˈigyë nduˈunëm.
Ngujäˈäyëm ja tiempë nuˈun nyajnäjxëm mä ngäjpxwäˈkxëm, per mas jotkujk nëjkx nnayjäˈäwëm ko nbatëmë jäˈäy. Pën nˈijxëm ko kyaj yˈoybyëtsëmy wiˈix të ndukniwijtsëm, nˈokˈyajtëgäjtsëm. Nˈokmënuˈkxtakëmë Jyobaa, ja “nyiWintsënë tyäˈädë pëjtaˈaky” parë xypyudëjkëm ets nyajtuˈunëm yajxon ja tiempë mä ngäjpxwäˈkxëm (Mat. 9:38).