Tyäˈädë ää ayuk tsojkëp xyaˈitët mä mgorasoon

Tääk teety duˈun mbäädë yˈuˈunk yˈënäˈk tkuentˈattë extëm tuˈugë borreegë kuentˈäjtpë. Per näˈäty, mbäädë yˈuˈunk yˈënäˈk jyagamgeˈeky ets tkuˈayowët (Prov. 27:23). ¿Wiˈix mbäädë tääk teety tkuentˈattë yˈuˈunk yˈënäˈk? Ko tjuuttëdë tiempë ets kyäjpx myaytyäˈäktët tuˈuk tuˈugë xëë, net tnijawëdët ti japˈäjtp mä jyot kyorasoon ets mä jyot wyinmäˈäny (Prov. 20:5). Nan tsojkëp tpudëkëdët ja yˈuˈunk yˈënäˈk parë kyëktëkëdë myëbëjkën ets mëk yˈittët ko amay jotmay tyukjäˈtëdët (1 Kor. 3:10-15). Mä bideo Estas palabras tienen que estar en tu corazón tnimaytyaˈaky ko jëjpˈam ets xëmë familyë Diosˈawdattët. Ixtë tuk familyë ets xynyimaytyäˈäktëdë tyäˈädë yajtëˈëwën.

1) ¿Tiko netyë Tomás mëdë fyamilyë kyaj jëjpˈam tnekypyëjtäˈäktë Diosë tyuunk? 2) ¿Tiko kyaj yˈoybyëtsëëmy ko tim jawyiinë Tomás jyaˈëxpëkany mëdë fyamilyë? 3) Extëmë Biiblyë jyënaˈany, ¿ti tsojkëp parë oyë uˈunk ënäˈk yaak pyattët? (Deut. 6:6, 7.) 4) ¿Ti mbäät yajtuny parë familyë tsuj yajxon kyäjpx myaytyäˈäktët? 5) Parë uˈunk ënäˈk oy yaaktët, ¿ti kyaj mbäädë tääk teety tmëwiin tmëjotëdë? 6) ¿Wiˈixë Mario mëdë kyudëjk tpudëjkë Tomás mëdë fyamilyë? (Prov. 27:17.) 7) ¿Wiˈix mbäädë uˈunk teety tniˈëxpëkë jawyiin pën tsyejpy ets yˈoybyëtsëmët mä Diosˈawdattë mëdë Fyamilyë? 8) ¿Ti tyuunë Tomás parë yˈoˈoyë tijaty mä fyamilyë? 9) ¿Tiko jyëjpˈamëty ets xëmë nDiosˈawdäjtëm mëdë Familyë? (Éfes. 6:4.) 10) Nigäjpx naa wixaty mbäät nDiosˈawdäjtëm mëdë Familyë. 11) Ko Tomás ttukmëtmaytyaky ja myäänk tiko jyëjpˈamëty ttunët diˈib oy, ¿tiko yˈoybyëtsëëmy ko yajxon ttukjaygyujkë ets ko kyaj jyotˈambëjky? (Jer. 17:9.) 12) ¿Wiˈixë Tomás mëdë Mónica tpudëjkë ja nyëëx parë ttunët diˈib oy mä nety të nyaymyaaybyëkyëty mëdë Justin? (Mar. 12:30; 2 Tim. 2:22.) 13) ¿Tiko mbäät mjënäˈäny ko Tomás mëdë Mónica yajnigëxëˈktë mëbëjkën ko ttukniwijtsëdë adëyë jyukyˈatäˈändë? (Mat. 6:33.) 14) Pënaty nyigëbäjkˈäjttëbë fyamilyë, ¿wiˈix pyudëkëdë tyäˈädë bideo parë tˈixtët ko jëjpˈam tkuentˈattëdë fyamilyë ets oy yˈittët mëdë Dios? (1 Tim. 5:8.) 15) ¿Ti net mbäät ttuknibëjtäägëdë pënaty nyigëbäjkˈäjttëbë fyamilyë?

TYÄˈÄDË YËˈË PARË TÄÄK TEETY: Ko nyajxyë tyäˈädë dramë mä asamblee tëgëk xëëbë 2011, ¿mbëjkë kuentë ko tsojkëp yˈakˈoyët mä mDiosˈawdaty mëdë mfamilyë? Ets ko net të xyˈixyë tyäˈädë bideo, ¿të xypyëkyë kuentë tijaty tsojkëp xyˈaktunët? Mënuˈkxtäˈägë Jyobaa parë mbudëkëdët ets xyaˈoyët pën jam ti kyaj oy xytyuny ets duˈun ttukˈoyˈatëdë mfamilyë winë xëë (Éfes. 5:15-17).