Tuˈugë jembyë naybyudëkë parë nyajtsondakëmë maytyaˈaky

Desde eneerë 2016 mä rebistë Diˈib Xytyukˈawäˈänëm diˈibë jäˈäy yajmoopy, jap ëxkëˈëy tmëminyë titulo mä jyënaˈany “¿Wiˈixë Biiblyë jyënaˈany?”. Tyäˈädë të yajtuknigojë parë xypyudëjkëm ets nyajtsondakëmë maytyaˈaky. Naduˈundëkë myiny extëmë trataadë: myëmiimpy tuˈugë yajtëˈëwën parë jäˈäy tnigäjpxët wiˈix wyinmay, ta net tuˈugë tekstë mä yaˈˈatsoowëmbity mëdë Biiblyë ets tˈaknimaytyaˈaky wanaty.

Ja xëmë jäˈäy tˈëxpëjktsondaˈagyë Biiblyë ko jantsy oy yajmëtmaytyaˈaky. Pääty yajtun diˈib miimp rebistë ëxkëˈëy parë xypyudëkëdët pënaty jyantsy nyijawëyandëbë Diosë yˈayuk (Mat. 5:6).

WIˈIX NYAJTUˈUNËM DIˈIB YÄ MIIMP

1. Yajtëw ja jäˈäy wiˈix wyinmay extëm yä tuk pëky dyajtëy.

2. Mëdoowˈit ets kukäjpxë ko yˈatsoowëmbity.

3. Käjpxë tekstë mä jyënaˈany “Biiblyë jyënaˈany”, ta net xyajtëwët wiˈix wyinmay. Pën ja jäˈäy myëdäjtypyë tiempë mbäät xyˈaktukmëtmaytyaˈaky mä jyënaˈany “¿Wiˈixë Biiblyë yˈakjënäˈäny?”.

4. Awanë rebistë.

5. Anëëmë ti xëëw meerë xynyijëmbitäˈäny parë xyˈatsoowëmbitët jatuˈugë yajtëˈëwën.