Nˈokninuˈkxtakëmë nmëguˈukˈäjtëm diˈib yajpajëdijttëp

Mä Biiblyë ojts yajnaskäjpxë ko Satanás tpajëditäˈänyë Dios mëduumbëty parë kyaj yˈëwäˈkx kyäjpxwäˈkxtët (Fwank 15:20; Diˈibʉ Jat. 12:17). ¿Ja ti diˈib mbäät nduˈunëm parë nbudëjkëmë nmëguˈukˈäjtëm diˈib yajpajëdijttëp? Ta, mbäät ninuˈkxtakëm. Biiblyë jyënaˈany ko tuˈugë jäˈäy nyuˈkxtaˈaky diˈib jukyˈäjtp tëyˈäjtën myëët, myëdäjtypyë mëkˈäjtën ja nyuˈkxtakën (Sant. 5:16).

¿Tijaty nˈamdoˈowëm ko nuˈkxtakëm? Nˈokˈamdoˈowëmë Jyobaa parë dyajjotmëktäˈägëdë nmëguˈukˈäjtëm ets tpudëkët parë kyaj tsyëˈëgëdët (Is. 41:10-13). Nan nˈokninuˈkxtakëmë kuduunk justisë parë tnasˈixët ets duˈunyëm nˈëwäˈkx ngäjpxwäˈkxëm “es dëˈën mbäät njikyˈäjtëm yajxon es ni pën mëët ngatsiptuˈunëm” (1 Tim. 2:1, 2).

Ko Pablo mëdë Pedro ojts yajpajëdittë, ja nmëguˈukˈäjtëm ojts nyinuˈkxtäägëdë ets ojtsë xyëëw yajnigäjpxtë (Apos. 12:5; Rom. 15:30, 31). Ets ëtsäjtëm, pën kyaj nnijäˈäwëm ti txëˈattë ja nmëguˈukˈäjtëm diˈib yajpajëdijttëp, mbäät nigäjpxëm ja paˈis mä yajpäättë, ja lugäär o ti txëˈaty ja tuˈukmujkën.

Kujayë ja lugäär mäjatyë nmëguˈukˈäjtëm yajpajëdittë ets pënaty mninuˈkxtäägëyaampy.