WIˈIX JYUKYˈATYË DIOS MËDUUMBË
Agëˈë axäjëdë tsuj yajxon
¿Pënaty mbäät nˈagëˈë nˈaxäjëm tsuj yajxon? Niˈamukë pënaty nëjkxtëp mä reunyonk, duˈun diˈib jemy o diˈib tëëyëp nˈixyˈäjtënë (Rom. 15:7; Eb. 13:2). Waˈan yëˈë xykyuˈijxëm tuˈugë nmëguˈukˈäjtëm diˈib tsoˈomp wiink lugäär o tuˈugë nmëguˈukˈäjtëm diˈib kyaj tˈoktuunë Diosë tyuunk ets të nyäjxnë kanäk jëmëjt. Koxyëp mˈokmijtsëty, ¿wiˈixxyëp mnayjawëty? ¿Këdii mëjjawëp ko tsuj yajxon myaˈˈagëˈë myaˈˈaxäjët? (Mat. 7:12). Pääty, oy ko nduˈunëmë mëjääw parë ngäjpxpoˈkxëm pënaty jäjttëp mä reunyonk, duˈun mä kyatsondaˈakynyëm ets ko jyëjpkëxët. Ko duˈun nduˈunëm, ta niˈigyë nyigëxëˈëky ja tsojkën (Mat. 5:16). Waˈan kyaj nmadakëm parë mëët niˈamukë ngäjpx nmaytyakëm. Per pën niduˈuk niduˈuk nduˈunëmë mëjääw, mbäät niˈamukë oy nyayjawëdë ko nˈagëˈë nˈaxäjëm.a
Ko njantsy yˈoyjyaˈayˈäjtëm oytyim näˈäty nyigëxëˈëky, kyaj jyaayëty ko ti yajmëjtuny extëm ko yajjamyetsyë Jesusë yˈoˈkën xëëw. Ko jäˈäy diˈib jemy tˈixtë wiˈixë Dios mëduumbë tˈyajnigëxëˈëktë tsojkën, mbäät tmëjkumaytyë Dios ets tyuˈukmuktë mët ëtsäjtëm (Fwank 13:35).
a Biiblyë xyˈanmäˈäyëm ko kyaj yˈoyëty ngäjpxpoˈkxëmë jäˈäy diˈib të yaˈëxkexy o diˈib të jyënanë ko kyaj yˈoktestiigëˈatanë ko jyäˈttët mä reunyonk (1 Kor. 5:11; 2 Fwank 10).