¡Nˈokˈanmäˈäyëm ko jantsy oy ko të myindë!
1. ¿Näˈä mbäät mëjwiin kajaa nyajmëjpëtsëˈëmë Dios, ets tiko?
1 Mbäät mëjwiin kajaa nyajmëjpëtsëˈëmë Dios mä yajjamyetsyë Jesusë yˈoˈkën xëë. Mä tyäˈädë jëmëjt, ja nˈawijxëm tyuˈukmuktëdë jäˈäy mäjk miyongë naxy, parë tmëdooˈittët wiˈixë Jyobaa mëdë Jesus mëjwiin kajaa të dyaˈixëdë tsojkënë ko të xyjuuybyëtsëˈëmëm (Fwank 3:16; 15:13). Nan nyijawëyandëp tijaty kunuˈkxënë Jyobaa xymyoˈoyäˈänëm mët yëˈëgyëjxm ko të xyjuuybyëtsëˈëmëm (Is. 65:21-23). Per ja diˈib yajnaxaambyë diskursë kyaj yëˈëyë naytyuˈuk tnimaytyäˈägäˈäny ja tëyˈäjtën, niˈamukën mbäät nyajmëjpëtsëˈëmë Dios ko tsuj yajxon nˈagëˈë nˈaxäjëm pënaty miindëp (Rom. 15:7).
2. ¿Wiˈix mbäät nˈagëˈë nˈaxäjëm pënaty miindëp?
2 En lugäär jeˈeyë nˈunyaˈayëm ets nˈawijxëm näˈä tsyondaˈaky ja diskursë, oy ko nmëtkäjpx nmëtmaytyakëm pënaty jam wingon unyaaytyëp. Pënaty miindëp mbäät tsyoytyundë o kyaj tnijawëdë ti yajtunäämp, per ko nmëtxik nmëtxoˈonëm ets nˈoyjyaˈaytyakëm, mbäät oy nyayjawëdë ko të myindë. Oy ko nˈijxëm pën jam jyaˈty tuˈugë jäˈäy diˈib të yajmoˈoyë inbitasyonk, ets nyajtëˈëwëm pën tëgoknëm myiny ets pën yˈixyˈajtypy pën. Mbäät mëët nˈunyaˈayëm parë nˈijxmujkëmë Biiblyë ets ja ëy nyeky. Pën jap tyunyëty mä ja Tëjk mä nˈëxpëjkëm, oy ko ndukˈixyˈäjtëm. Nan mbäät nˈanmäˈäyëm pën jam ti dyajtëwäˈäny ko nety ja diskursë jyëjpkëxy. Per pën të nyaˈˈanmäˈäyëm ets tsojk niˈamukë nbëtsëˈëmëm mët ko tyëkëyaˈanyë wiinkpë naymyujkën, mbäät ja jäˈäy nˈanmäˈäyëm: “¿Wiˈix të xyˈixy të xymyëdoy? ¿Näˈä mbäät ninëjkxy?”. Ta net mëët naygyäjpxëm ti xëë mbäät ninëjkxëm. Nan jëjpˈam ets nmëjämoˈoyëm ko myindët ja nmëguˈukˈäjtëm diˈib kyaj yˈokmiinëdë mä naymyujkën, per diˈib mas duˈun tyunëp yëˈë mëjjäˈäytyëjk.
3. ¿Tiko jyëjpˈamëty nˈijxëm wiˈix nˈagëˈë nˈaxäjëm pënaty miindëp mä yajjamyetsyë Jesusë yˈoˈkën xëë?
3 Mayë jäˈäy myinäˈäny diˈib kyajnëm tyim miny, ets tˈixäˈändë wiˈixë Diosë kyäjpn yajpääty tuˈugyë ets agujk jotkujk extëmxyëp jyukyˈäjnëdë mä ja it lugäärë tsujpë (Sal. 29:11; Is. 11:6-9; 65:13, 14). ¿Ti diˈib mas jyamyatsaampy ja jäˈäy ko nety të yˈojtsy mä Jesusë yˈoˈkën xëë? Yëˈë wiˈixë nety të nˈagëˈë të nˈaxäjëm.