Pudëkë tuˈugë nmëguˈukˈäjtëm diˈib kyaj tˈoktuunë Diosë tyuunk

Jëmëjt jëmëjtë nmëguˈukˈäjtëm diˈib kyaj tˈoktuunëdë Diosë tyuunk, nyëjkxtë mä yajjamyetsyë Jesusë yˈoˈkën xëëw. Waˈan tjapanëjkxtsondaktë ja tuˈu diˈib mënëjkxp mä jukyˈäjtën, per waˈan tjëjpˈyoˈoytyuttë mët ko ti yajtuˈuˈadujkëdë, extëm diˈib yajmaytyakp mä foyetë Jyobaa tsyejpy ets mjëmbitët (Eb. 12:1). Per duˈunyëmë Jyobaa yajtsobäädëdë, pes yëˈë të jyuuybyëtsëmëdë mët ja Jesusë nyeˈpyny (Apos. 20:28; 1 Peed. 1:18, 19). ¿Wiˈix mbäät nbudëjkëm parë jatëgok jyëmbittët mä tuˈukmujkën?

Pënaty tuundëp mëjjäˈäy, yˈëxtääytyëbë winmäˈäny wiˈix mbäät tmëtmaytyäˈäktë ets tpudëkëdë pënaty kyaj yˈokDiosmëduunëdë, duˈun extëm tuˈugë borreegë kuentˈäjtpë tˈëxtäˈäyë byorreegë diˈib të yoˈoytyëgoy (Luk. 15:4-7). Tyäˈädë yëˈë xytyukˈijxëm ko mëkë Jyobaa tsyokëdë (Jer. 23:3, 4). Per niˈamukë mbäät nbudëjkëmë nmëguˈukˈäjtëm, kyaj yëˈëyëty ja diˈib tuundëp mëjjäˈäy. Jyobaa tyukjotkëdäˈägaampy ets yajtsobäädaampy tukëˈëyë tijaty nduˈunëm parë nyaˈijxëmë tsojkën etsë oyjyaˈayˈäjtën (Prov. 19:17; Apos. 20:35). Pääty winmay pën mbäät tyam xypyudëkë ets xytyuungojët.

IXË BIDEO NˈOKPUDËJKËM PËNATY KYAJ YˈOKDIOSMËDUUNËDË ETS TA NET YAˈˈATSOOWËMBITËDË TYÄˈÄDË YAJTËˈËWËN:

• ¿Ti tyuunë Abbey ko tˈixyˈajtyë Laura diˈibë nety kyaj yˈokDiosmëduunë?

• ¿Tiko mbäät ndukˈawäˈänëmë mëjjäˈäytyëjk pën nbudëkëyäˈänëm tuˈugë nmëguˈukˈäjtëm diˈib kyaj yˈokDiosmëduunë?

• ¿Wiˈixë Abbey nyayjëjpˈijxë ko nety tninëjkxäˈäny myëmajtskˈok ja Laura?

• ¿Wixatyë Abbey tˈyajnigëxëˈky ko maˈkxtujkp, tsojkp ets ko kyaj tmastutyë Laura ko tpudëjkë?

• ¿Ti xytyukniˈˈijxëm ja ijxpajtën diˈibë Jesus pyëjtak mä Lukʉs 15:8-10?

• ¿Wiˈix oy wyimbëtsëëmy ko niˈamukë ttuundë mëjääw parë tpudëjkëdë Laura?