Yëˈëyë mëët nyajnäjxëmë tiempë pënaty tsyojktëbë Jyobaa

¿Tiko mbäät yëˈëyë mëdë tiempë nyajnäjxëm pënaty tsyojktëbë Jyobaa? Jaˈko pënaty mëët nnaymyaˈayëm mbäät xypyudëjkëm o xyˈaxëktuˈunëm (Prov. 13:20). Extëm nˈokpëjtakëm, ja rey Jehoás yëˈë tyuun diˈib oy Dios windum mientrësë nety jyukyˈaty ja saserdotë wintsën diˈib xyëwˈäjt Jehoiadá (2 Crón. 24:2). Per ko ja Jehoiadá ojts yˈoˈknë, ta Jehoás tmastutyë Jyobaa mët ko tmëdäjty ja axëëkpë myëtnaymyaayëbë (2 Crón. 24:17-19).

Apostëlë Pablo duˈun ojts tˈijxkijpxyë ja Diosë kyäjpn extëm tuˈugë mëj tëjk, mä jyapëtyë “basë esë texy” o abëjk aduˈunën. Duˈun näjxëm “extëmë basë esë texy diˈibë yëˈë Nintsënˈäjtëm yajtiimpy”, ko kyaj nnaymyaˈayëm mëdë jäˈäy diˈib kyaj tmëmëdowdë Jyobaa, oyxyëp jyayëˈëˈäjtpë jiiky mëguˈuk o nmëguˈukˈäjtëm diˈib mëët nˈëxpëjkëm (2 Tim. 2:20, 21). Pääty, oy ko yëˈëyë mëët nnaymyaˈayëm pënaty tsyojktëbë Jyobaa ets xypyudëjkëm parë nmëduˈunëm.

KO NETY TË YAˈIJXTÄˈÄYË BIBEO WIˈIX MBÄÄT NJËJPKUDIJËMË AXËËKPË MËTNAYMYAAYËBË, TA NET XYAJTËWËT:

• ¿Näˈäjatyë tiempë nyajnäjxëm mëdë jäˈäy diˈib kyaj ttsoktë Jyobaa ets ni ngapëjkëmë kuentë?

• ¿Ti pudëjkëdë ja nidëgëëkpë nmëguˈukˈäjtëm parë kyaj nyekytyuˈukmujktë mëdë jäˈäy diˈib kyaj ttsoktë Jyobaa?

• ¿Diˈibë Biiblyë kyäjpxwijën mbäät xypyudëjkëm parë yajxon nwinˈijxëmë mëtnaymyaayëbë?