¿Nuˈun nyajtsobatëmë Diosë yˈAyuk?

Mä Biiblyë yëˈë jap miimbë Jyobaa jyot wyinmäˈäny etsë yˈääw yˈayuk, pes yëˈë diˈib yajjääyë (2 Peed. 1:20, 21). Nan myaytyakypy ko mä Jesus yˈanaˈamäˈäny, ja nyigëxëˈëgäˈäny ko yëˈëyë Jyobaa myëdäjtypyë madakën ets yˈanaˈamët, tyäˈädë xyjotkujkmoˈoy ko tim tsojk yˈoyëyaˈanyë jukyˈäjtën. Biiblyë nan tsuj yajxon tnimaytyaˈaky wiˈixë nDeetyˈäjtëmë Jyobaa jyaˈayˈaty (Sal. 86:15).

Tam tiko niˈamukë nyajtsobatëmë Diosë yˈAyuk. Per ¿nyajnigëxëˈkëm ko njantsy yajtsobatëm ko ngäjpxëm bom bom ets ko nguytyuˈunëm ja yˈanaˈamën? Pën nduˈunëm duˈun, ta nëjkx njënäˈänëm extëm jyënany ja diˈib jyaayë tyäˈädë Salmo: “¡Njantsy tsyojkypyëtsë mˈanaˈamën!” (Sal. 119:97).

KO NETY TË YAˈIJXTÄˈÄYË BIDEO MËJWIIN KAJAA OJTS DYAJTSOOBÄÄTTË BIIBLYË: MÄ YAJNIMAYTYAˈAGYË (WILLIAM TYNDALE), TA YAˈˈATSOOWËMBITËDË TYÄˈÄDË YAJTËˈËWËN:

• 

  ¿Tiko William Tyndale tkäjpxnäjxy tuk pëkyë Biiblyë?

• ¿Tiko myëjwiin kajaajëty diˈibë William Tyndale tyuun ko tkäjpxnäjxyë Biiblyë?

• ¿Wiˈix yajmëdëjkë näägë Biiblyë diˈibë Tyndale kyäjpxnäjx jap Inglaterra?

• ¿Wiˈix mbäät nyajnigëxëˈkëm ko nyajtsobatëmë Diosë yˈAyuk?