Wiˈix mbäät yajtuny ko nduˈukmujkëm parë nëjkxäˈänëm käjpxwäˈkxpë

Ko nëjkxëm reunyonk ets ko nduˈukmujkëm parë nëjkxäˈänëm käjpxwäˈkxpë, yëˈë duˈunë Jyobaa të ttuknibëjtäägë parë nnaymyëjääwmoˈoyëm nixim niyam ets nduˈunëm diˈib oy (Eb. 10:24, 25). Ko yajjuuty ja grupë, yaˈixy mä nëjkx ngäjpxwäˈkxäˈänëm ets ko yajtuny ja nuˈkxtakën, ja mbäät jeˈeyë jyeky 5 minutë o 7 minutë. Per pën jam ja reunyonk tyim jëjpkëxy, mas waanë jyakët. Ja diˈib jyuˈtypyë grupë, oy ko tˈixët ti mbäät pyudëkëdë ja nmëguˈukˈäjtëm diˈib nëjkxandëp käjpxwäˈkxpë. Extëm nˈokpëjtakëm, sääbëdë ja nimayë nmëguˈukˈäjtëm pyëtsëmdë diˈib kyaj të myadäˈäktë sëmäänoty, ets mbäät niˈigyë pyudëkëdë ko jeˈeyë yajtukˈawanëdët wiˈix mbäät dyajtsondäˈäktë ja maytyaˈaky. ¿Tijatyëdaa mbäät yˈakpudëkëdë?

• Mbäät yëˈë xyajtuny diˈib miimp mä Wiˈix njukyˈäjtëm ets nDiosmëduˈunëm tijaty yaˈëxpëkäämp ets yajtukjayëyäämp, mä jyënaˈany “Wiˈixë jäˈäy nmëtmaytyakëm”.

• Wiˈixë jäˈäy tmëtmaytyaktsoondët ko ti tnimaytyäˈäktët diˈib të tyuny të jyatyëty.

• Wiˈix tˈatsoowëmbittët ko ja jäˈäy tjëjpkugäjpxët.

• Wiˈix tˈatsoowëmbittët tuˈugë jäˈäy diˈib kyaj tmëbëkyë Dios, diˈib myëbëjkypyë evolución, diˈib wiink ayuk käjpxp o diˈib tyukˈijtëbë wiink relijyonk.

• Wiˈix dyajtundëdë sitio jw.org, aplikasion JW Library^® o Biiblyë.

• Wiˈix dyajtundëdë Tuumbajn parë jäˈäy nyaˈëxpëjkëm.

• Wiˈix yˈëwäˈkx kyäjpxwäˈkxtët extëm mä telefënë, tjäˈäytyë kartë, mä karruˈunk yajnadanë, wiˈix tnijëmbittët jatëgokë jäˈäy o wiˈix dyaˈëxpëktët.

• Yajtukjamyatstëdë nmëguˈukˈäjtëm extëm wiˈix nyaygyuentˈatëdët, wiˈix dyajnigëxëˈëktët ja oybyë jäˈäyˈäjtën ets wiˈix tmëtkäjpx tmëtmaytyäˈäktëdë jäˈäy extëm yaˈix yajpäättë.

• Nimaytyäˈägë foyetë Jat wiˈix mas oy mletrëkäjpxët ets wiˈix myaˈëxpëkët o tukˈixë bideo diˈib myëmiimpy.

• Wiˈix ja myëguˈuk diˈib mëët nyëjkxtë käjpxwäˈkxpë tpudëkët ets tmëjääwmoˈoyët.

• Käjpx tuˈugë tekstë diˈib mbäät pyudëkëdë ja nmëguˈukˈäjtëm o nimaytyäˈäk tuˈugë eksperiensyë.