WIˈIX JYUKYˈATYË DIOS MËDUUMBË
Ënäˈktëjk këdii ti xytyukwinguyuˈutstë mdääk mdeety
¿Tiko yˈoyëty xytyukmëtmaytyäˈägëdë mdääk mdeety tijaty mwinmaapy? (Prov. 23:26). Yëˈko Jyobaa yëˈë të tyuknipëkëdë parë mˈijxˈit mguentëˈatëdët ets mnëˈëmoˈoy mduˈumoˈoyëdët (Sal. 127:3, 4). Tsip mbudëkëdët ja mdääk mdeety pën kyaj xytyukmëtmaytyaˈaky tidën mëmääy mëdajpy. Ets kyaj jeˈeyë mbudëkëyäˈänëdë, nan mbäät mëjwiin kajaa tijaty mdukniˈˈixëdë mët ko të jyukyˈattë. ¿Tsojkëbën tijaty xytyimtukmëtmaytyaktäˈäyët? Kyaj. Per nan kyaj yˈoyëty xytyukwinguyuˈutsëdë mdääk mdeety diˈib tsojkëp tnijawëdët (Prov. 3:32).
¿Näˈä mbäädë mdääk mdeety xymyëtmaytyaˈaky? Ix näˈä mbäät xymyëtmaytyaˈaky. Nan mbäät niduˈuk xynyijayë parë xytyukmëtmaytyäˈägët wiˈixën mnayjyawëty. Ets ¿pën ja mdääk mdeety mjamëtmaytyäˈäganëp, per mijts kyaj mmaytyäˈägäˈäny? Jamyats ko yëˈëjëty mbudëkëyanëdëp, pääty kyaj yˈoyëty xyˈixët extëmë mëtsip. Ko kyaj ti xytyukwinguyuˈutsët, mbäät xytyukˈoyˈaty duˈun tyam ets winë xëëw winë tiempë (Prov. 4:10-12).
KO NETY TË YAˈIJXTÄˈÄYË BIDEO KO MˈËNÄˈKˈATY: WAˈAN MTSIPTAKXËTY XYMYËTMAYTYÄˈÄGËDË MDÄÄK MDEETY, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈix jyënaˈanyë Esther etsë Partik?
¿Wiˈix mbäät mbudëkëtyë yˈijxpajtënë Jesus?
¿Wiˈixë mdääk mdeety të mdukˈixëdë ko mtsojkëp?
Mdääk mdeety mdukmëtsojkëdëp parë oy mjukyˈatët.
¿Diˈibatyë tekstë mbudëkëyanëp parë xymyëtmaytyäˈägëdë mdääk mdeety?