WIˈIX JYUKYˈATYË DIOS MËDUUMBË
¿Ti xytyukniˈˈijxëm extëm jyukyˈajtyë Samuel?
Nuˈun jyukyˈajtyë Samuel xëmë tmëmëdooyë Jyobaa. Desde mutsk kyaj axëëk jyukyˈajty extëm ja Elí yˈuˈunk yˈënäˈk, Hofní mëdë Finehás (1 Sam. 2:22-26). Samuel xëmë Jyobaa pyudëjkë ko yeˈky pyejty (1 Sam. 3:19). Ets ko ojts myëjjäˈäyënë, duˈunyëmë Jyobaa tmëmëdooy oy ja yˈuˈunk yˈënäˈk kyamëdoowdë (1 Sam. 8:1-5).
¿Ti xytyukniˈˈijxëm extëm yajnimaytyaˈagyë Samuel? Ko Jyobaa jyaygyujkëp tijaty jotmay wyinguwäˈkëdëbë ënäˈktëjk ets wiˈix nyayjyawëdët. Jyobaa pudëkëyanëdëp parë yˈittët amëk jotmëk (Is. 41:10, 13). Uˈunktääk uˈunkteety diˈib ja yˈuˈunk yˈënäˈk të tmastuˈuttë Jyobaa, nan mbäät jyotkujkmoˈoyëdë ja yˈijxpajtënë Samuel, pes kyaj ttukˈaguanëˈäjtyë yˈuˈunk yˈënäˈk parë tmëmëdowdët ja Diosë yˈanaˈamën. Samuel yëˈë tyukëdëjkë Jyobaa ja yˈamay jyotmay, duˈunyëm tmëduunˈadëtsy ets dyajnayjyäˈäwë agujk jotkujk. Ko duˈunë uˈunktääk uˈunkteety ttundët, mbäät ok ja yˈuˈunk yˈënäˈk tnijëmbittë Jyobaa.
KO NETY TË YAˈIJXTÄˈÄYË BIDEO TI XYTYUKNIˈˈIJXËM EXTËM YAJNIMAYTYAˈAGYË: SAMUEL, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈixë Samuel dyajnigëxëˈkyë jotmëkˈäjtënë ko myutskˈäjty?
¿Wiˈixë Danny dyajnigëxëˈkyë jotmëkˈäjtën?
¿Wiˈixë Samuel dyajkyë oybyë ijxpajtënë ko ojts myëjjäˈäy myëˈˈënäˈkënë?
Jyobaa pyudëjkëp pënaty tyuundëbë mëjääw parë ttundë diˈib oy.
¿Wiˈixë tyääk tyeetyë Danny dyäjktë oybyë ijxpajtën?