WIˈIX JYUKYˈATYË DIOS MËDUUMBË
Nayjyëjpˈixëdë ko ajotkumonë myajmënëjkxët mä doktoor
¿Tiko nnayjyëjpˈijxëm? Mbäät näˈäty ajotkumonë nbäˈämbajtëm etsë net nyajmënëjkxëm mä doktoor o mä hospital. Pën tsoybyatäˈänëm, oyxyëp ko kontiempë nˈijxëm tijatyë Diosë kyäjpn yajjaˈäjtypy parë nnaytyukpudëjkëm. Duˈunë nety nyajnigëxëˈkëm ko nmëjˈijxëm ja jukyˈäjtën ets ja Diosë yˈanaˈamën (Apos. 15:28, 29).
¿Wiˈix mbäät mnayjyëjpˈixyëty?
Mmënuˈkxtäˈägë Jyobaa ets winmay wiˈix tijaty xytyunäˈäny. Ko nety duˈun të xytyuny, ta xyajtuktukët ja mneky (DPA)a mä xynyigajpxy ko kyaj xykyupëkäˈänyë neˈpyny. Pënaty të nyëbajnëdë, mbäät tˈamdowdë nmëguˈukˈäjtëm mëdiˈibë yajkypyë ëxpëjkpajn, etsë tääk teety mbäät tˈamdowdë parë yˈënäˈkuˈunk ja Tarjeta de identidad (ic).
Pën mˈuˈunkmëët, mbäät xyˈamdoyë mëjjäˈäytyëjk ja neky Información para mujeres embarazadas (S-401). Yäˈädë neky mbäät mbudëkëty parë xynyijawët wiˈix mtsoybyatët ko ja uˈunk xynyikëjxmˈatët ets ko nety myaxuˈunkˈaty.
Pën mˈanmääyëp ja doktoor ko extëm mtsoybyatäˈäny, tëkëyäämbë mneˈpyny o mwëˈëmäämp hospital, anëëmë kontiempë mëjjäˈäytyëjk ets nanduˈun ja doktoortëjk ko mniminanëp tuˈugë Jyobaa tyestiigë.
¿Wiˈix mbäät ja mëjjäˈäytyëjk mbudëkëdë? Mbäät mbudëkëdë parë xyajtuktukët ja neky DPA, per këˈëm xynyigäjpxäˈäny ti mgupëkaampy ets ti kyaj, kyaj yëˈë mˈanëëmëyäˈänëdë wiˈix tijaty xytyunët o wiˈix wyinmaytyë (Rom. 14:12; Gál. 6:5, TNM). Ko ja doktoortëjk mˈanëˈëmxëdët ko extëm mtsoybyatäˈäny mbäät tyëkë ja neˈpyny, ta xytyukˈawanët ja mëjjäˈäytyëjk mëdiˈibë mä mgongregasionk parë yëˈë ttukˈawanëdët ja Komitee mëdiˈibë pyudëjkëdëbë Testiigë parë kyaj tkupëktëdë neˈpyny.
¿Wiˈix mbäät mbudëkëty ja Komitee mëdiˈibë pyudëjkëdëbë Testiigë parë kyaj tkupëktëdë neˈpyny? Pënaty tuundëp mä yäˈädë Komitee, të yajtukniˈˈixëdë wiˈix mbäät ttukjaygyukëdë ja doktoortëjk tiko kyaj ngupëkäˈänëmë neˈpyny. Mbäät nanduˈun ttukmëtmaytyäˈäktë ja mdoktoor ko ta kanäk pëkyë tijaty mbäät dyajtundë parë kyaj dyajtëkëdët ja neˈpyny, ets axtë mbäät mbudëkëdë parë xypyäädëdë wiinkpë doktoor mëdiˈibë kyaj dyajtundë neˈpyny.
KO NETY TË YAˈIJXTÄˈÄYË BIDEO ¿WIˈIX NNIJÄˈÄWËM TI MBÄÄT NDUˈUNËM KO JA DOKTOORTËJK DYAJTUNÄˈÄNDËDË NEˈPYNY?, TA YAˈˈATSOOWËMBITËDË YÄˈÄDË YAJTËˈËWËN:
¿Tijaty mbäät nduˈunëm parë nnayjyëjpˈijxëm ko ajotkumonë nyajmënëjkxëm mä doktoor ets ko nyaˈˈanmäˈäyëm tyëkëyaˈanyë neˈpyny?
a Mbäät mbudëkëtyë liibrë Jukyˈat agujk jotkujk leksion 39 parë xynyijawët ti mdunëp ko ja doktoortëjk dyajtunäˈändëdë neˈpyny.