¿Oknëm xytyukjayëyaˈany?
¿Ti yajmaytyakp? Yëˈë ets xytyukjayëdë tadë Directriz anticipada y carta poder para atención médica (DACP) diˈib yajmooytyëbë Testiigë diˈib të nyëbajnë. Kom kyaj xynyijawë “ti miin mgëdakxëp ayä bom”, pääty jëjpˈam ets xywyinmayët wiˈix xytsyeky ja doktoor myajtsoybyatëdët ets tijaty mgupëkaampy ko mˈayoˈonbäädët, ta net xytyukjayëdë tadë neky (Sant. 4:14; Apos. 15:28, 29). Parë xynyijawët ti mdunëp, ix jawyiinë tadë bideo Asistencia médica sin transfusiones. Necesidades y derechos del paciente. Ta net xymyënuˈkxtäˈägëdë Jyobaa ets xyˈatsoojëmbitëdë tyäˈädë yajtëˈëwën. (Mä tyäˈädë bideo tap nyaxy mä jäˈäy yajtsuky, pääty yëˈë uˈunktääk uˈunkteety nyijawëp pën tyukˈijxtëp o kyaj ja yˈuˈunk yˈënäˈk diˈib mutskatynyëm.)
1) ¿Tiko tyamë doktoor wyinmaytyë ko kyajxyëp nyekytyëkë neˈpyny mä jäˈäyë nyiniˈx? 2) Nigäjx tëgëëgë ijxpajtën mä jäˈäy yajtsuktë mëjwiin kajaa ets kyaj tyëkë neˈpyny. 3) ¿Nääk jyaˈˈatyë doktoor diˈib kyupëjktëp dyajtsoybyatäˈändë jäˈäy ets kyaj dyajtunëdë neˈpyny? ¿Ets tiko tkupëktë? 4) ¿Ti të tpëktë kuentë mä kanäägë hospital ko doktoor dyajtundë neˈpyny? 5) ¿Ti jotmay mbäät yajpääty ko tyëkë neˈpyny niniˈxoty? 6) ¿Wiˈixë net mayë doktoor wyinmaytyë ko tˈixtë yˈoybyëtsemy tijaty yajtuundëp ko jäˈäy ttsuktë ets kyaj dyuˈunëty ko dyajtëkëdë neˈpyny? 7) ¿Tiko tyëgoyˈatyë jäˈäyë nyeˈpyny (anemia)? ¿Nuˈunën tmëmadaˈagyë niniˈx tyëgoyˈatëdë neˈpyny? ¿Ti mbäät yajtuny parë kyomët? 8) ¿Wiˈix mbäät myayë mä jäˈäyë nyiniˈx yëˈë eritrocitos o glóbulos rojos? 9) ¿Tijatyë doktoor yajtuundëp parë kyaj nëgoo neˈpyny tyëgoyët ko jäˈäy ttsuktë? 10) ¿Tuump nanduˈun tijatyë doktoor yajtuundëp ko jäˈäy ttsuktë parë tsyoybyatëdë ënäˈkuˈunk o ko tuˈugë jäˈäy tyimˈooganë? 11) ¿Ti mbäädë doktoor jëjpˈam tmëdaty wyinmäˈänyoty parë yajxon dyajtsoybyatëdë jäˈäy? 12) ¿Tiko jyëjpˈamëty ets nwinmäˈäyëm kontiempë tijaty ngupëkäˈänëm parë kyaj nˈaxäjëmë neˈpyny? ¿Ets mä mbäät ngujäˈäyëm?
Niduˈuk niduˈugë Dios mëduumbë mbäät dyajˈyoˈoyë jyot wyinmäˈäny pën yˈaxäjëyaampy tijatyë doktoor yajtuundëp extëm yaˈixy mä bideo ets extëm të tnijawë mä Biiblyë. ¿Mnijäˈäbë net yajxon mëdë mˈuˈunk mˈënäˈk wiˈix xytsyeky etsë doktoor myajtsoybyatëdët o tijaty mgupëkaampy? ¿Ets të xytyukjayë ja mdarjetë DACP? Parë niˈigyë xynyijawët oy ko xykyäjxëdë tadë liibrë “Diosë tsyojkën”, kapitulo 7, ets nanduˈunë referensyë diˈib jap miimp. Käjx nanduˈun mä Nuestro Ministerio del Reino diˈib nobiembrë 2006, mä jyënaˈany: “¿Qué opino de las fracciones sanguíneas y de los procedimientos médicos que impliquen el uso de mi sangre?”. Ets ko naty yajxon të xywyinmay ti mdunaampy, ta net xytyukjayëdë mdarjetë DACP. Pënaty mniwäˈkpëtsëmanëp etsë mjiiky mëguˈuk diˈib kyaj Tyestiigëty jëjpˈam tnijawëdët tijaty mtsejpy yajtunët.
[Letrë diˈib miimp mä dibujë mä pajina 3]
• ¿Të net yajxon xywyinmay tijaty mgupëkaampy mëdë mˈuˈunk mˈënäˈk diˈibë doktoor yˈawäˈänëp?
• ¿Të yajxon xyajtuktukyë mdarjetë DACP ets xëmë xymyëjëdity ko muum mˈayoˈonbäädët?