¡Mët jeˈeyë ko yajmëtxiky!

JAP Baguio (Filipinas) mä jäˈäy jyuy tyooktë nyäjxtë nimajtskë toxytyëjk, ta tˈijxtë yajnadanë karruˈunk mä nmëguˈukˈäjtëm yˈëwäˈkx kyäjpxwäˈkxtë, per kyaj tmëwingoondë. Helen, niduˈuk ja nmëguˈukˈäjtëm diˈibë nety nyadënaapy, ta tjantsy myëtxiky. Ja toxytyëjkëty tëyë nyäjxtë, per monyˈijx monyjyäˈäwëdë ko Helen jyantsy myëtxikëdë.

Ko tyäˈädë toxytyëjkëty ojts jyëmbijnëdë autobusoty mä tyëjk, ta tˈijxtë ja letreerë jw.org mä tuˈugë salonk, ta tjamyajtstë ko nan yëˈë nety të tˈixtë mä ja karruˈunk yajnadanë. Ta jyënäjktë mä ja autobus ets tˈijxtë ti ooraty tyunyëtyë reunyonk.

Tyäˈädë nimajtskpë toxytyëjk, ta ojts nyëjkxtë reunyonk. Ets ¿pën yˈijxtë jantsy jeˈeyë tyëjkëdë mä ja salonk? ¡Yëˈë Helen! Netyë tˈëxkäjptë mët ko tˈijxtë wiˈix xyiˈiky. Helen jyënaˈany: “Kots xymyëwingoondë, tats wanaty ntsëˈkë, pes nwinmääyëts ko waˈanëtsë nety ti të nduny”. Per ja toxytyëjkëty, ta tyukmëtmaytyakëdë ti nety të tyuny të jyatyëty.

Tyäˈädë nimajtskpë toxytyëjkjäˈäy nëgooyë oy ojts nyayjyäˈäwëndë mä reunyonk ets ko yajpattë mëdë nmëguˈukˈäjtëm duˈun nyayjyäˈäwëdë jyënoty tyëgotypyën. Ko tˈijxtë wiˈix ja nmëguˈukˈäjtëm dyajwäˈätstë salonk ko ja reunyonk kyejxy, ta nenduˈun tyëjkëdë tuumbë. Niduˈugë tyäˈädë toxytyëjk të nyëjkxnë tsënaabyë wiink paˈis, per jatuˈuk yeˈeytsyondak reunyonk ets yˈëxpëjktsondakë Biiblyë. Tyäˈädë tyuun jyäjtë ¡mët jeˈeyë ko yajmëtxiky!