Nˈokˈyajtuˈunëm yajxon ja ijxn

Santiago ojts tnimaytyaˈaky ko Biiblyë duˈun tyuny ixtëm tuˈugë ijxn mëdiˈibë xytyukˈijxëm wiˈix ëjtsäjtëm njäˈäyˈäjtëm (Sant. 1:​22-25). Per ¿wiˈix mbäät yajxon nyajtuˈunëmë yäˈädë ijxn?

Kyaj jeˈeyë nwingäjpxnäjxëmë Biiblyë. Ko pojënë nnayˈijxëm mä tuˈugë ijxn, mbäät kyaj nbëjkëmë kuentë ko tam mä tsyokyëty nnayaˈoˈoyëm. Nanduˈunën jyaty ko pojënë ngäjpxëmë Biiblyë, kyaj nbëkäˈänëmë kuentë mä tsyokyëty nnayaˈoˈoyëm. Päätyën jyëjpˈamëty ets kyaj jeˈeyë nwingäjpxnäjxëm.

Nˈoknayˈijxëm këˈëm ets kyaj yëˈë nˈijxëm ja wiink jäˈäy. Tuˈugë ijxn mbäät nyajtuˈunëm parë nˈijxëm mä tsyokyëty ets ja jäˈäy nyayaˈoyëdët. Nanaduˈun jyaty ko ngäjpxëmë Biiblyë, mbäät yëˈëyë nbawinmäˈäyëm mä tsyokyëty ets ja wiink jäˈäy nyayaˈoyëdët. Ko duˈun nˈadëtsëm, xytsyiptäˈägäˈänxëm parë këˈëm nnayaˈoˈoyëm.

Nˈoktuˈunëm nuˈun tijaty nmëmadakëm. Ko nnayˈijxëm mä tuˈugë ijxn ets jamyë ja jot winmäˈäny nbëjktakënë mä kyaj nnayˈoyˈijxëm, mbäät wiink xyajnayjyäˈäwëm. Ko ngäjpxëmë Biiblyë, mbäät nanduˈun jyaty. Pääty oy ko nˈijxëm nuˈunën tijaty nmëmadakëm, pesë Jyobaa kyaj xyˈamdowäˈänëm mëdiˈibë kyaj mbäät nduˈunëm (Sant. 3:17).