¿Ti mbäät nduˈunëm ko nˈëxpëkäˈänëm?

Ko nˈëxpëjkëmë Biiblyë, ta nnijäˈäwëm wiˈixë Jyobaa wyinmay, pääty ko ngäjpxëm, ntsojkëmë net parë xynyëˈëmoˈoy xytyuˈumoˈoyëm. Pääty, oy ko nbanëjkxëmë yˈijxpajtënë Esdras mëdiˈibë nety të “tˈëxkukë ja kyorasoon parë tˈixäˈäny wiˈix jyënaˈany ja Jyobaa Lyey” (Esdras 7:10). ¿Wiˈix mbäät nanduˈun nduˈunëm?

Nuˈkxtäˈäk. Mä mgatëkënëm ëxpëjkpë, mmënuˈkxtäˈägë Jyobaa parë mbudëkëdët ets xyjyaygyukët ti jam mgäjpxaampy etsë net xykyuytyunët mä mjukyˈäjtën (Sal. 119:​18, 34).

Jäˈäyˈat yujy tudaˈaky. Dios kyaj ttuknijawë ja tëyˈäjtën pënaty mëj këjxm nayjyäˈäwëdëp ets wyinmaytyë ko kyaj ttsoktë ja Diosë nyaybyudëkë parë tjäˈäygyukëdët ja tëyˈäjtën (Luk. 10:21). Këdii tijaty xypyayeˈey mët ko jeˈeyë mnayajmëjpëtsëmäˈänyëty. Ets pën mä xykyajpxyë Biiblyë, jap xypyaaty mä tsyokyëty mnayaˈoyëdët, oy ko mjäˈäyˈatët yujy tudaˈaky ets mnayajtëgatsëdët.

Mmëdoowˈit tuˈugë ëy. Ko nmëdoowˈijtëmë ëy, xyˈadëjk xytyuktëjkëm ets yaˈˈawatsypy ja jot korasoon parë nˈawdäjtëmë Dios. Pääty ko nmëdoowˈijtëm tuˈugë ëy mä ngatëjkëm ëxpëjkpë, yëˈë xypyudëkëyäˈänëm parë ja jot winmääy nyaˈijtëm mä Jyobaa ets xyˈajäjt xyjyotjäjtëm ti jam nˈëxpëkäˈänëm.