Jyobaa tyestiigëty tukniwits tukniwääbë yˈittë parë tkäjpxwäˈkxtë jembyë ayuk
Tamë tiempë nyëjkxnë tukmëgoˈpx jëmëjt naxy, mä Jyobaa tyestiigëty tukniwits tukniwääbë tkäjpxwäˈkxtë ja jembyë ayuk. Ets myëjwindëkë abëtsemy nyaxwinyëdë extëm ninäˈänëm duˈun kyayajtuny, pes tyam nˈëwäˈkx ngäjpxwäˈkxëm 230 paˈis ets kanäk mëgoˈpx ayuk (Mat. 24:14). ¿Tiko jyëjpˈamëtyë tyäˈädë tuunk? ¿Wiˈixën duˈun yajtuny abëtsemy naxwinyëdë? Parë xynyijawët wiˈix yaˈˈatsoojëmbity, ixë tadë bideo diˈib xyëˈäjtypy: Los testigos de Jehová: organizados para predicar las buenas nuevas, jap nˈixäˈänëm wiˈix kanäk peky yajtuny ja tuunk abëtsemy nyaxwinyëdë. Ko xyˈijxtäˈäyët, ta net xyˈatsoojëmbitëdë tyäˈädë yajtëˈëwën.
¿Wiˈix të mbudëkëtyë tyäˈädë bideo parë niˈigyë xymyëjawët 1) mä wiˈixë Jyobaa nyax kyäjpn tpëjtäˈäktë jyot myëjää parë tkäjpxwäˈkxtë ja jembyë ayuk? (2 Tim. 4:2.) 2) mä tijaty tyuundëp diˈib ijttëp Betel naxwinyëdë abëtsemy? 3) mä yˈëxpëktë misioneerë, sirkuitë etsë distritë? (2 Tim. 2:2.) 4) ko jëjpˈam ngäjpxëmë tekstë diˈib jabom jabom yajkäjpxp ets nˈëxpëjkëm diˈib sëmään sëmään näjxp mä naymyujkën? (Apos. 17:11.) 5) ko mdukˈoyˈajtypy ko xëmë mnëjkxy mä naymyujkën? (Apos. 10:24, 25.) 6) ja kunuˈkxën diˈibë nˈaxäjëyäˈänëm ko tyäˈädë Naxwinyëdë jyëmbittët extëm tuˈugë it lugäärë tsujpë? (Isa. 11:9.) 7) ja tuunk diˈib nikëjxmˈäjtëm parë tyam nyajmujkëmë pëjktaˈaky? (Fwank 4:35.)
Tyäˈädë bideo kajaa pyudëkëdë pënaty niˈigyë yˈixyˈataampy wiˈixën tyundë Jyobaa tyestiigëty abëtsemy naxwinyëdë. 8) ¿Näˈä mwinmay xytyukˈixäˈäny pënaty myaˈëxpejkypy, mjiiky mmëguˈuk ets diˈib mˈixyˈajtypy? 9) ¿Wiˈix të xyˈixy të pyudëkëdë pënaty të tˈixtë tyäˈädë bideo?
Ko nbawinmäˈäyëm tijaty tyamë Jyobaa tyuumpy, ta nanduˈun njënäˈänëm extëm jyënany ja diˈib jyaayë Salmo: “May tijaty të xyjantsy yajkojtäˈäy, mijts këˈëm, Jyobaa Dios, ets ja oyatypyë mduˈunënë ets tijaty mwinmaapy parë ëëtsëty, kyaj jyaˈˈaty nipën diˈib duˈun extëm mijts” (Sal. 40:5). Nˈokˈyajtuˈunëmë tyäˈädë bideo parë nbudëjkëmë jäˈäy ets tmëjˈixëdë Jyobaa ets nanduˈun ja nyax kyäjpn.